قازاقستاندا ۋچاسكەلٸك جەنە اۋماقتىق سايلاۋ كوميسسييالارىنىڭ 70 مىڭنان استام مٷشەسٸ ەلەكتورالدى وقىتۋدان ٶتەدٸ. بۇل تۋرالى ورتالىق سايلاۋ كوميسسيياسىنىڭ حاتشىسى سەبيلا مۇستافينا ايتىپ بەردٸ, دەپ حابارلايدى قازاقپارات.
ورتالىق سايلاۋ كوميسسيياسىنىڭ ۇسىنىمىمەن كاسكادتى مودەل بويىنشا تٶمەن تۇرعان كوميسسييالاردى وقىتۋدى كٶزدەيتٸن جوسپار قۇرىلعان.
«مۇنداي مودەل ەۋروپا قاۋٸپسٸزدٸك جەنە ىنتىماقتاستىق ۇيىمىنىڭ كٶپتەگەن ەلدەرٸندە قولدانىلادى. قر ورتالىق سايلاۋ كوميسسيياسىنىڭ تاپسىرىسىمەن كەسٸبي نەگٸزدە ەزٸرلەنگەن وقۋ-ەدٸستەمەلٸك ماتەريالدار وقىتۋدىڭ ەدٸستەمەلٸك بازاسىنا نەگٸز بولدى, ولار وسك سايتىنا ورنالاستىرىلدى. وسك ەلەكتروندىق سەرتيفيكاتتارىن بەرۋگە جەنە سايلاۋ كوميسسييالارىنىڭ مٷشەلەرٸنە ەزٸرلەنگەن قاشىقتان وقىتۋ مەن تەستٸلەۋ جٷيەسٸن پايدالانۋعا ەرەكشە نازار اۋدارىلدى. قر سايلاۋ جٷيەسٸ ۋچاسكەلٸك جەنە اۋماقتىق سايلاۋ كوميسسييالارىنىڭ 70 مىڭنان استام مٷشەسٸن قامتيدى. قاشىقتىقتان وقىتۋ فورماتى 2018 جىلى وقىتۋدىڭ جەكە باعىتى رەتٸندە قابىلدانعان», - دەدٸ ورتالىق سايلاۋ كوميسسيياسىنىڭ حاتشىسى س. مۇستافينا كوميسسييادا ٶتكەن وتىرىستا.
وتىرىس بارىسىندا ورتالىق سايلاۋ كوميسسيياسىنىڭ تٶراعاسى بەرٸك يماشەۆ پاندەمييا كەزەڭٸندە قاشىقتان وقىتۋدىڭ ماڭىزدىلىعىن اتاپ ٶتتٸ.
«سايلاۋدى ۇيىمداستىرۋشىلار مەن سايلاۋ پروتسەسٸنٸڭ باسقا دا قاتىسۋشىلارىن ەلەكتورالدى وقىتۋ – سايلاۋ پروتسەسٸنٸڭ ماڭىزدى قۇرامداس بٶلٸكتەرٸنٸڭ بٸرٸ بولىپ سانالادى. سايلاۋ پروتسەسٸنە قاتىسۋشىلاردى قاشىقتان وقىتۋدىڭ دامىعان جەنە ەنگٸزٸلگەن جٷيەسٸ پاندەمييا جاعدايىندا بەلسەندٸ قولدانىلادى», - دەدٸ بەرٸك يماشەۆ.
