Sailanǵan aýyl ákimderine qoiylatyn talap ta, jaýapkershilik te joǵary bolady. Qorqyt Ata atyndaǵy Qyzylorda ýniversitetiniń prorektory Abaibek Júnisov aldaǵy ákimder sailaýyna qatysty pikirin jetkizdi, dep habarlaidy QazAqparat.
Onyń aitýynsha, jergilikti turǵyndar úshin aýyl ákiminiń ózderine jaqyn adam bolǵany óte mańyzdy.
Sebebi eldi mekenniń tynys-tirshiligin burynnan biletin adamnyń basshy bolýy jumysty jandandyratyny sózsiz.
«Memleket basshysy Qasym-Jomart Toqaev aýyl ákimderin sailaýdyń mańyzdy ekenin atap ótken bolatyn. «Osy oqiǵany elimizdiń tarihyndaǵy aitýly beles dep aitýǵa bolady. Negizi, bul – biz úshin strategiialyq máni airyqsha mindet. Azamattarymyz tuńǵysh ret jergilikti atqarýshy biliktiń basshysyn tikelei sailaý múmkindigine ie bolmaq. Biz buǵan birtindep, josparly túrde keldik» degen edi Prezident. Ákimder sailaýy shildeniń sońǵy onkúndiginde ótpek. Elde 700-den asa aýyldyq okrýg ákimi, al Syr óńirinde 40 aýyldyq okrýg ákimi tuńǵysh ret halyq sailaǵan ákim retinde táýelsiz el tarihynda qalmaq. Degenmen ákim bolý bar, halyqqa jaqyn bolý taǵy bar. Sailanǵannan soń, sailaǵan halyqtyń úmitin aqtap, elge qyzmet etýdiń jóni bólek. Aýyl ákimderine qoiylar talap ta, jaýapkershilik te joǵary», - dedi ol.
Onyń aitýynsha, aýyl ákimin sailaýdy saiasatkerler birazdan beri usynyp júr. Degenmen halyq úshin ákimdi sailaý eleýli jańalyq bolǵany ras.
«Halqymyz budan burynǵy sailaýlarǵa belsene qatysyp keledi. Sondyqtan qoǵam atalǵan qadamǵa daiyn dep esepteimin. Halyq arasynda qoǵamdyq-saiasi zertteý institýtynyń júrgizgen saýalnamasyna qatysqandardyń 60 paiyzy sailaýǵa barýǵa daiyn ekenin aitqan. Taǵy bir mańyzdy másele biýdjetke kelip tireledi. Ár ákim óz aýylyna tiisti biýdjet bolǵanyn qalaidy. Aqsha bolmasa, kóptegen másele de sheshilmeidi. Ár aýyldyń syrtqa kórinbeitin problemasy bar. Qajettiliktiń kópshiligi aýyldyń óz biýdjeti arqyly sheshiletin bolsa, memlekettik qyzmette tájiribesi bar myqty azamattar aýyl ákimi bolýǵa da qyzyǵýshylyq tanytýy bek múmkin. Halyq sailaǵan ákimderge artylar jaýapkershilik te jeńil bolmaidy. «Ákimder – biliktiń árbir eldi mekendegi tikelei ókili. Jurt olardyń qyzmetine qarap búkil memlekettik basqarý júiesiniń tiimdiligin baǵalaidy. Biýdjet taqyryby aldaǵy ýaqytta talqylanyp, túiindi máseleler sheshimin tabady degen oidamyn», - dedi A.Júnisov.
Ol kisi atalǵan sailaý qoǵamǵa jańa lep ákeletinin tilge tiek etti. Tipti sailaý nátijeli bolyp jatsa, keleshekte aýdan ákimin, oblys ákimin sailaý jumystary da júielenýi múmkin.
«Buryn-sońdy sailaý júiesinde jinaqtalǵan jumys tájiribeme súiene otyryp, biz demokratiialyq el bolǵandyqtan, sailaý jumystaryn elimizde damytý qajet dep esepteimin. Halyq únine qulaq asatyn memleket aýyldan bastaý alatyn bolsa, munyń ózi elimizdiń demokratiialyq jolmen odan ári damýy úshin qajet úlken tájiribe bolmaq», - dedi ol.
Aita keterligi, Qyzylordada aýyl ákimi sailaýyna 151 kandidat usynyldy.
