سايلانعان اۋىل ەكٸمدەرٸنە قويىلاتىن تالاپ تا, جاۋاپكەرشٸلٸك تە جوعارى بولادى. قورقىت اتا اتىنداعى قىزىلوردا ۋنيۆەرسيتەتٸنٸڭ پرورەكتورى ابايبەك جٷنٸسوۆ الداعى ەكٸمدەر سايلاۋىنا قاتىستى پٸكٸرٸن جەتكٸزدٸ, دەپ حابارلايدى قازاقپارات.
ونىڭ ايتۋىنشا, جەرگٸلٸكتٸ تۇرعىندار ٷشٸن اۋىل ەكٸمٸنٸڭ ٶزدەرٸنە جاقىن ادام بولعانى ٶتە ماڭىزدى.
سەبەبٸ ەلدٸ مەكەننٸڭ تىنىس-تٸرشٸلٸگٸن بۇرىننان بٸلەتٸن ادامنىڭ باسشى بولۋى جۇمىستى جانداندىراتىنى سٶزسٸز.
«مەملەكەت باسشىسى قاسىم-جومارت توقاەۆ اۋىل ەكٸمدەرٸن سايلاۋدىڭ ماڭىزدى ەكەنٸن اتاپ ٶتكەن بولاتىن. «وسى وقيعانى ەلٸمٸزدٸڭ تاريحىنداعى ايتۋلى بەلەس دەپ ايتۋعا بولادى. نەگٸزٸ, بۇل – بٸز ٷشٸن ستراتەگييالىق مەنٸ ايرىقشا مٸندەت. ازاماتتارىمىز تۇڭعىش رەت جەرگٸلٸكتٸ اتقارۋشى بيلٸكتٸڭ باسشىسىن تٸكەلەي سايلاۋ مٷمكٸندٸگٸنە يە بولماق. بٸز بۇعان بٸرتٸندەپ, جوسپارلى تٷردە كەلدٸك» دەگەن ەدٸ پرەزيدەنت. ەكٸمدەر سايلاۋى شٸلدەنٸڭ سوڭعى ونكٷندٸگٸندە ٶتپەك. ەلدە 700-دەن اسا اۋىلدىق وكرۋگ ەكٸمٸ, ال سىر ٶڭٸرٸندە 40 اۋىلدىق وكرۋگ ەكٸمٸ تۇڭعىش رەت حالىق سايلاعان ەكٸم رەتٸندە تەۋەلسٸز ەل تاريحىندا قالماق. دەگەنمەن ەكٸم بولۋ بار, حالىققا جاقىن بولۋ تاعى بار. سايلانعاننان سوڭ, سايلاعان حالىقتىڭ ٷمٸتٸن اقتاپ, ەلگە قىزمەت ەتۋدٸڭ جٶنٸ بٶلەك. اۋىل ەكٸمدەرٸنە قويىلار تالاپ تا, جاۋاپكەرشٸلٸك تە جوعارى», - دەدٸ ول.
ونىڭ ايتۋىنشا, اۋىل ەكٸمٸن سايلاۋدى ساياساتكەرلەر بٸرازدان بەرٸ ۇسىنىپ جٷر. دەگەنمەن حالىق ٷشٸن ەكٸمدٸ سايلاۋ ەلەۋلٸ جاڭالىق بولعانى راس.
«حالقىمىز بۇدان بۇرىنعى سايلاۋلارعا بەلسەنە قاتىسىپ كەلەدٸ. سوندىقتان قوعام اتالعان قادامعا دايىن دەپ ەسەپتەيمٸن. حالىق اراسىندا قوعامدىق-ساياسي زەرتتەۋ ينستيتۋتىنىڭ جٷرگٸزگەن ساۋالناماسىنا قاتىسقانداردىڭ 60 پايىزى سايلاۋعا بارۋعا دايىن ەكەنٸن ايتقان. تاعى بٸر ماڭىزدى مەسەلە بيۋدجەتكە كەلٸپ تٸرەلەدٸ. ەر ەكٸم ٶز اۋىلىنا تيٸستٸ بيۋدجەت بولعانىن قالايدى. اقشا بولماسا, كٶپتەگەن مەسەلە دە شەشٸلمەيدٸ. ەر اۋىلدىڭ سىرتقا كٶرٸنبەيتٸن پروبلەماسى بار. قاجەتتٸلٸكتٸڭ كٶپشٸلٸگٸ اۋىلدىڭ ٶز بيۋدجەتٸ ارقىلى شەشٸلەتٸن بولسا, مەملەكەتتٸك قىزمەتتە تەجٸريبەسٸ بار مىقتى ازاماتتار اۋىل ەكٸمٸ بولۋعا دا قىزىعۋشىلىق تانىتۋى بەك مٷمكٸن. حالىق سايلاعان ەكٸمدەرگە ارتىلار جاۋاپكەرشٸلٸك تە جەڭٸل بولمايدى. «ەكٸمدەر – بيلٸكتٸڭ ەربٸر ەلدٸ مەكەندەگٸ تٸكەلەي ٶكٸلٸ. جۇرت ولاردىڭ قىزمەتٸنە قاراپ بٷكٸل مەملەكەتتٸك باسقارۋ جٷيەسٸنٸڭ تيٸمدٸلٸگٸن باعالايدى. بيۋدجەت تاقىرىبى الداعى ۋاقىتتا تالقىلانىپ, تٷيٸندٸ مەسەلەلەر شەشٸمٸن تابادى دەگەن ويدامىن», - دەدٸ ا.جٷنٸسوۆ.
ول كٸسٸ اتالعان سايلاۋ قوعامعا جاڭا لەپ ەكەلەتٸنٸن تٸلگە تيەك ەتتٸ. تٸپتٸ سايلاۋ نەتيجەلٸ بولىپ جاتسا, كەلەشەكتە اۋدان ەكٸمٸن, وبلىس ەكٸمٸن سايلاۋ جۇمىستارى دا جٷيەلەنۋٸ مٷمكٸن.
«بۇرىن-سوڭدى سايلاۋ جٷيەسٸندە جيناقتالعان جۇمىس تەجٸريبەمە سٷيەنە وتىرىپ, بٸز دەموكراتييالىق ەل بولعاندىقتان, سايلاۋ جۇمىستارىن ەلٸمٸزدە دامىتۋ قاجەت دەپ ەسەپتەيمٸن. حالىق ٷنٸنە قۇلاق اساتىن مەملەكەت اۋىلدان باستاۋ الاتىن بولسا, مۇنىڭ ٶزٸ ەلٸمٸزدٸڭ دەموكراتييالىق جولمەن ودان ەرٸ دامۋى ٷشٸن قاجەت ٷلكەن تەجٸريبە بولماق», - دەدٸ ول.
ايتا كەتەرلٸگٸ, قىزىلوردادا اۋىل ەكٸمٸ سايلاۋىنا 151 كانديدات ۇسىنىلدى.
