Memlekettik hatshy Erlan Qarin Amanat partiiasynyń sezine qatysty pikir bildirdi, - dep habarlaidy Tengrinews.kz agenttigi.
"Amanat partiiasynyń birikken sezi ótip, oǵan Adal partiiasynyń qosylýy bekitildi. Munyń jalǵasy bileýshi partiianyń sailaý bazasynyń keńeiýi jáne reformalar baǵyty tóńireginde odan ári qoǵamdyq birigý bolady. Jalpy, bul shara naýryzda bastalǵan Amanat partiiasy transformatsiiasynyń logikasyna sáikes keledi.
Sózsiz, Prezident Qasym-Jomart Toqaevtyń tóraǵalyǵyn toqtatyp, Amanat partiiasynan shyǵý týraly sheshimi úlken jańalyq boldy. Sonymen qatar, Amanat burynǵysynsha prezidenttik reformalar baǵytyn jaqtaýshylardy shoǵyrlandyratyn iadro bolyp qala beredi", - dep jazdy Memlekettik hatshy Telegram-arnasynda.
Qarin Memleket basshysy qańtarda partiia tóraǵasy qyzmetine kirisken kezde bul qyzmetti ýaqytsha, jyldyń aiaǵyna deiin qabyldaitynyn málimdegenin eske saldy.
"Saiasi ýáde oryndaldy. Sonymen qatar, Memleket basshysy naýryzdaǵy Joldaýynda el Prezidenti óz ókiletin júzege asyrý kezeńinde saiasi partiianyń múshesi bolmaýy kerek degen normany Konstitýtsiiaǵa bekitýdi usyndy. Osylaisha, Prezident Konstitýtsiiaǵa ózgerister engizýdi kútpei-aq, ózi bastaǵan saiasi reformalardy is júzinde júzege asyrýǵa kiristi", - dep túiindedi sózin Qarin.
