مەملەكەتتٸك حاتشى ەرلان قارين Amanat پارتيياسىنىڭ سەزٸنە قاتىستى پٸكٸر بٸلدٸردٸ, - دەپ حابارلايدى Tengrinews.kz اگەنتتٸگٸ.
"Amanat پارتيياسىنىڭ بٸرٸككەن سەزٸ ٶتٸپ, وعان Adal پارتيياسىنىڭ قوسىلۋى بەكٸتٸلدٸ. مۇنىڭ جالعاسى بيلەۋشٸ پارتييانىڭ سايلاۋ بازاسىنىڭ كەڭەيۋٸ جەنە رەفورمالار باعىتى تٶڭٸرەگٸندە ودان ەرٸ قوعامدىق بٸرٸگۋ بولادى. جالپى, بۇل شارا ناۋرىزدا باستالعان Amanat پارتيياسى ترانسفورماتسيياسىنىڭ لوگيكاسىنا سەيكەس كەلەدٸ.
سٶزسٸز, پرەزيدەنت قاسىم-جومارت توقاەۆتىڭ تٶراعالىعىن توقتاتىپ, Amanat پارتيياسىنان شىعۋ تۋرالى شەشٸمٸ ٷلكەن جاڭالىق بولدى. سونىمەن قاتار, Amanat بۇرىنعىسىنشا پرەزيدەنتتٸك رەفورمالار باعىتىن جاقتاۋشىلاردى شوعىرلاندىراتىن يادرو بولىپ قالا بەرەدٸ", - دەپ جازدى مەملەكەتتٸك حاتشى Telegram-ارناسىندا.
قارين مەملەكەت باسشىسى قاڭتاردا پارتييا تٶراعاسى قىزمەتٸنە كٸرٸسكەن كەزدە بۇل قىزمەتتٸ ۋاقىتشا, جىلدىڭ اياعىنا دەيٸن قابىلدايتىنىن مەلٸمدەگەنٸن ەسكە سالدى.
"ساياسي ۋەدە ورىندالدى. سونىمەن قاتار, مەملەكەت باسشىسى ناۋرىزداعى جولداۋىندا ەل پرەزيدەنتٸ ٶز ٶكٸلەتٸن جٷزەگە اسىرۋ كەزەڭٸندە ساياسي پارتييانىڭ مٷشەسٸ بولماۋى كەرەك دەگەن نورمانى كونستيتۋتسيياعا بەكٸتۋدٸ ۇسىندى. وسىلايشا, پرەزيدەنت كونستيتۋتسيياعا ٶزگەرٸستەر ەنگٸزۋدٸ كٷتپەي-اق, ٶزٸ باستاعان ساياسي رەفورمالاردى ٸس جٷزٸندە جٷزەگە اسىرۋعا كٸرٸستٸ", - دەپ تٷيٸندەدٸ سٶزٸن قارين.
