Q.Jubanov atyndaǵy Aqtóbe óńirlik ýniversitetiniń prorektory Rahym Beknazarov QR Prezidentiniń jetinshi shaqyrylymdaǵy Parlament sessiiasynda aitqan saiasi reformalar týraly oiyna pikir bildirdi, dep habarlaidy QazAqparat.
«Prezident Qasym-Jomart Toqaev búgin saiasi reforma baǵyttaryna toqtalyp ketti. Saiasi reformalar Qazaqstanda evaliýtsiialyq jolmen damyp jatqanyn kórsetedi. Biz, halyq, shynymen de reformalardyń nátijesin tez kórgimiz keledi. Al negizgi saiasi reformalardyń uzaqqa sozylatyny málim. Birinshiden, saiasi reformany damytýǵa jaǵdai jasalǵanyn kórsetedi. Buǵan deiin praimeriz degen bolmady. Debat ta qajet. Osy joldy damytyp, mejeni 7 paiyzdan 5 paiyzǵa túsirý usynyldy. Bolashaqta partiialardyń joly ashylady. Ekinshiden, aýdan ákimderi de sailanady. Jańa bastamanyń bári halyqqa der kezinde kórsetilip, nasihattalǵany abzal», - dedi Q.Jubanov atyndaǵy Aqtóbe óńirlik ýniversitetiniń prorektory Rahym Beknazarov.
Tarihshy jańa reformalardy iske asyrý úshin bilikti kadr qajet ekenin de alǵa tartty.
«Reformany aitý bar, ony iske asyrý jóni bólek. Syrttan kelip ony eshkim jasamaidy. Osy tusta Prezident Qazaqstannyń adami kapitaly, kadr máselesi jaily aitty. Bilim, meditsina, shaǵyn jáne orta biznes salasy... Siz ben biz osy reformany iske asyramyz», - dedi Rahym Beknazarov.
