Saiasi partiialar Májilis depýtattyǵyna árbir kandidat úshin 637 myń teńge jarna engizedi. Bul týraly QR Ortalyq sailaý koissiiasy tóraǵasynyń orynbasary Konstantin Petrov aitty, dep habarlaidy QazAqparat.
«Májilis depýtattaǵyna kandidattardyń partiialyq tizimin usynǵan saiasi partiialar Ortalyq sailaý komissiiasynyń esepshotyna QR zańnamasymen bekitilgen eń tómengi jalaqynyń 15 eselengen kólemindegi sailaý jarnasyn partiialyq tizimge qosylǵan árbir tulǵaǵa engizedi. Partiialyq tizimge qosylǵan árbir tulǵa úshin sailaý jarnasynyń mólsheri 637 500 teńgeni quraidy», - dedi ol OSK otyrysynda.
Onyń atap ótýinshe, buǵan deiingi Májilis sailaýynda daýys berýge qatysqan sailaýshylardyń 7 jáne odan kóp paiyz daýysyn alǵan saiasi partiialar sailaý jarnasyn engizýden bosatylady.
«Olar ózderińiz biletindei, «Nur Otan» partiiasy, «Aq jol» Qazaqstannyń demokratiialyq partiiasy, Qazaqstannyń kommýnistik halyq partiiasy», - dedi Konstantin Petrov.
