Foto: Aqorda
Memleket basshysy Saiasi qýǵyn-súrgin jáne asharshylyq qurbandaryn eske alýǵa arnalǵan is-sharada sóz sóiledi, dep habarlaidy Ult.kz.
Qasym-Jomart Toqaev osydan 5 jyl buryn Saiasi qýǵyn-súrgin qurbandaryn tolyq aqtaý jónindegi memlekettik komissiia qurylǵanyn atap ótti. Memlekettik jáne mekemelik arhiv qujattary egjei-tegjei zertteldi. Saiasi qýǵynǵa ushyraǵan 300 myńnan astam azamat aqtaldy. Eki jarym millionnan astam materialdyń qupiia belgisi alynyp tastaldy.
Komissiia zerttegen qujattar negizinde 72 tomdyq jinaq daiyndaldy. Qýǵyn-súrgin kezinde Alashorda qairatkerlerine qatysty qozǵalǵan ister 12 tom bolyp jaryqqa shyqty. Bul eńbekti ázirleý barysynda buryn esh jerde jariia etilmegen qujattar alǵash ret ǵylymi ainalymǵa engizildi.
Sondai-aq Prezident arhiviniń janynan HH ǵasyrdaǵy saiasi qýǵyn-súrgin qujattaryn zertteýmen ainalysatyn arnaiy ortalyq ashyldy. Buryn qupiia bolyp kelgen 700 myń qujat, iaǵni qylmystyq is osy ortalyqqa tapsyryldy. Bul – shyn máninde, elimizde buryn-sońdy bolmaǵan óte aýqymdy jumys.
"Biz jazyqsyz qýǵyn-súrginge ushyraǵan memleket jáne qoǵam qairatkerleriniń, ǵalymdar men dárigerlerdiń, sondai-aq, olardyń týystary men jubailarynyń esimin umytpaýymyz kerek. Biraq qandai aýyr bolsa da, ótken kúnderdiń qasireti elimizdiń damýyna, ósip-órkendeýine kedergi bolmaýǵa tiis", - dedi Prezident.
