Qasym-Jomart Kemeluly bir sózinde «Shekaramyz bútin bolsa, syrttan shabýyl jasalmasa, tórt qubylamyz túgel bolady. Bul – memleketimiz úshin, men úshin asa mańyzdy mindet ári basty maqsat», – degen bolatyn. Rasymen, búginde halyqaralyq ahýal kúnnen-kúnge qiyndap barady. Osyndai kúrdeli jaǵdaida biz úshin bárinen mańyzdysy – jerimizdiń bútindigi jáne elimizdiń amandyǵy. Sondyqtan parasattylyq pen sabyrlyq tanytyp, arandatýshylardyń jeteginde ketpeýimiz kerek. Halqymyzdyń eń basty kúshi – birlik, parasattylyq jáne tózimdilik. Al birlik – beibitshiliktiń, tynyshtyq pen turaqtylyqtyń kepili. Osy kepildi syilaityn – myqty memleket basshysy. Óziniń jańa bastamalary men saiasi reformalaryn usynyp, eli men jeri úshin janyn salyp júrgen azamattyń biri Qasym-Jomart Toqaev dep ataýǵa bolady.
Menińshe, Qasym-Jomart Toqaevtyń saiasi bastamalary el damýyna tyń serpin bermek. Mysaly, prezident sailaýyn ótkizý týraly bastama keiingi úsh jyldaǵy saiasi jańǵyrý baǵytyna tolyqqandy sai keledi. Konstitýtsiialyq reforma bilik tarmaqtary arasyndaǵy ózara qarym-qatynastyń jańa, neǵurlym teńdestirilgen tártibin bekitip, jańa úlgini iske qosý maqsatynda memlekettiń Prezident, Parlament, Úkimet, máslihattar siiaqty sheshýshi institýttaryn qosa alǵanda, búkil saiasi júieni qaita bastamaq.
Sonyń bastamasy retinde prezidenttik mandattyń bir-aq ret, jeti jylǵa sailanýy. Osy aralyqta halyqtyń qalaýymen sailanǵan azamat eldiń ósip-órkendeýine ákeledi dep senemin. Mysaly, keshegi Sezd uiymdastyrýdyń ózi óte oryndy. Sebebi ózara pikir almasý, keibir máselelerdi talqylaý turǵysynda sezdiń mańyzy arta tústi. Eger biz Ádiletti Qazaqstan qurýdy qalasaq, saiasi reformalar júieli túrde jalǵasyn tapsyn desek, qazirgi Prezident Qasym-Jomart Kemelulyn qoldaýymyz qajet dep esepteimin.
Serik Bekturǵanov,
qoǵam qairatkeri
