Termeshi, burynǵy depýtat Bekbolat Tileýhan jýrnalist Aman Tasyǵanǵa bergen suhbatynda sahnanyń kiesi týraly oiyn aityp, bul máselege qatysty kózqarasyn bildirdi, dep habarlaidy ult.kz.
«Sahna kieli deidi. Eshqandai kiesi joq. Minberdiń kiesi bolýy múmkin. Sahna degenimiz – eden men mikrofon. Onda men otyrǵan jer de sahna. Ony kie-pie dep, ózin qatardaǵy adam kórgisi kelmei aitatyn maqtanshaq adamdardyń sózi bolyp kórinedi maǵan», – dedi ol.
Bul pikir áleýmettik jelide keńinen talqylanyp, oqyrmandardyń túrli reaktsiiasyn týdyrdy. Keibir qoldanýshylar Tileýhannyń buryn termeshi bolyp júrgen kezinde sahnanyń kiesi týraly aitqanyn eske salsa, endi biri óner sahnasynyń kieliligi ony tamashalaityn halyqtyń yqylasymen ólshenetinin jazdy.
Jeli qoldanýshylarynyń arasynda «Qansha halyqtyń nazary bar, sondyqtan sahna kieli», «Mýzykany haram dep ashyq aita almaǵandyqtan osylai aityp otyr» degen pikirler de jariialandy.
Buǵan deiin óner iesi úsh áielimen qarym-qatynasy týraly ashyq aityp, olardyń da adam retinde qyzǵanysh sezimin bastan keshiretinin jasyrmady.
