تەرمەشٸ, بۇرىنعى دەپۋتات بەكبولات تٸلەۋحان جۋرناليست امان تاسىعانعا بەرگەن سۇحباتىندا ساحنانىڭ كيەسٸ تۋرالى ويىن ايتىپ, بۇل مەسەلەگە قاتىستى كٶزقاراسىن بٸلدٸردٸ, دەپ حابارلايدى ult.kz.
«ساحنا كيەلٸ دەيدٸ. ەشقانداي كيەسٸ جوق. مٸنبەردٸڭ كيەسٸ بولۋى مٷمكٸن. ساحنا دەگەنٸمٸز – ەدەن مەن ميكروفون. وندا مەن وتىرعان جەر دە ساحنا. ونى كيە-پيە دەپ, ٶزٸن قاتارداعى ادام كٶرگٸسٸ كەلمەي ايتاتىن ماقتانشاق ادامداردىڭ سٶزٸ بولىپ كٶرٸنەدٸ ماعان», – دەدٸ ول.
بۇل پٸكٸر ەلەۋمەتتٸك جەلٸدە كەڭٸنەن تالقىلانىپ, وقىرمانداردىڭ تٷرلٸ رەاكتسيياسىن تۋدىردى. كەيبٸر قولدانۋشىلار تٸلەۋحاننىڭ بۇرىن تەرمەشٸ بولىپ جٷرگەن كەزٸندە ساحنانىڭ كيەسٸ تۋرالى ايتقانىن ەسكە سالسا, ەندٸ بٸرٸ ٶنەر ساحناسىنىڭ كيەلٸلٸگٸ ونى تاماشالايتىن حالىقتىڭ ىقىلاسىمەن ٶلشەنەتٸنٸن جازدى.
جەلٸ قولدانۋشىلارىنىڭ اراسىندا «قانشا حالىقتىڭ نازارى بار, سوندىقتان ساحنا كيەلٸ», «مۋزىكانى حارام دەپ اشىق ايتا الماعاندىقتان وسىلاي ايتىپ وتىر» دەگەن پٸكٸرلەر دە جارييالاندى.
بۇعان دەيٸن ٶنەر يەسٸ ٷش ەيەلٸمەن قارىم-قاتىناسى تۋرالى اشىق ايتىپ, ولاردىڭ دا ادام رەتٸندە قىزعانىش سەزٸمٸن باستان كەشٸرەتٸنٸن جاسىرمادى.
