Ulttyq ulan áskeri keńesiniń hatshysy Saverdin Imirov Májilistiń jalpy otyrysynda qańtar oqiǵasynyń mán-jaiy talqylanýyna qatysty pikir bildirdi, dep habarlaidy QazAqparat.
«Parlament Májilisiniń jalpy otyrysynda kúsh qurylymdary basshylarynyń esepteri tyńdaldy. Prezidenttiń kezekti Joldaýynyń qarsańynda osyndai sharanyń bolǵany óte mańyzdy dep oilaimyn. Qoǵam da qańtar oqiǵasyna bailanysty kókeiindegi suraqtardyń keibirine jaýap aldy. Ulttyq ulanǵa kelsek, táýelsizdik alǵan kezden beri qoǵamdyq qaýipsizdikti kúzetip kelemiz. 30 jyldyń ishinde Ulttyq ulannyń jeke quramyna halyq tarapynan, qoǵam tarapynan, memleket tarapynan eshqandai shaǵym aitylyp kórgen joq. Ishki ister organdarymen birge qoǵamdyq qaýipsizdikti qamtamasyz etetin áskeri vedomstvo bolǵandyqtan, qańtardaǵy jappai tártipsizdik kezinde birinshi bolyp oqiǵa ornyna bardyq», - deidi Saverdin Imirov.
Sondai-aq, ol Prezident Qasym-Jomart Toqaevtyń Ulttyq ulannyń qabiletin jetildirý boiynsha naqty tapsyrmalar bergenin eske saldy.
«Ulttyq ulannyń jeke quramy árdaiym aiaq astynan paida bolatyn shuǵyl mindetterdi oryndaýǵa daiyn ekenin qańtar oqiǵasy taǵy kórsetti. Buǵan deiin Qordai oqiǵasy kezinde de, basqa óńirlerde de eldiń tynyshtyǵyn qorǵaý, aýhaldy turaqtandyrý úshin senimdi qyzmet etken bolatynbyz. Bul joly ásirese Almaty qalasynda Ulttyq ulannyń jeke quramy ishki ister organdarymen birge mindetin múltiksiz oryndap, senip tapsyrylǵan nysandardyń qorǵap qaldy, bir de bir nysandy tastap ketken joq. Búginde úlken jumys júrgizip jatyrmyz. Prezident Ulttyq ulandy sandyq, sapalyq turǵydan nyǵaitý kerektigin aitqanyn bilesizder. Ol Ulttyq ulannyń áreketine joǵary baǵa berip, memleket pen qoǵamnyń qaýipsizdigin qorǵaýǵa qabiletti organ ekenin aitty», - deidi Ulttyq ulan áskeri keńesiniń hatshysy.
Onyń paiymynsha el basshylyǵynyń sol kezde utymdy sheshim qabyldaýy turaqtylyqtyń jyldam qalpyna kelýine áser etken.
«Memleket basshysy qańtar oqiǵasy kezinde óte naqty, batyl sharalar qabyldai bildi. Sonyń arqasynda turaqtylyq qalpyna keldi. Májilistiń búgingi jalpy otyrysynda Bas prokýror da, Ishki ister ministri de, Qorǵanys ministri de destrýktivti kúshterdiń uiymdasqan túrde áreket etkenin rastady. Bizdiń «Ulttyq ulan – birtutastas jaýyngerler januiasy. Artymyzda halyq, artymyzda elimiz» degen uranymyz bar. Qańtar oqiǵasy kezinde osy uranǵa sai áreket ettik», - dedi Saverdin Imirov.
