ۇلتتىق ۇلان ەسكەري كەڭەسٸنٸڭ حاتشىسى ساۆەردين يميروۆ مەجٸلٸستٸڭ جالپى وتىرىسىندا قاڭتار وقيعاسىنىڭ مەن-جايى تالقىلانۋىنا قاتىستى پٸكٸر بٸلدٸردٸ, دەپ حابارلايدى قازاقپارات.
«پارلامەنت مەجٸلٸسٸنٸڭ جالپى وتىرىسىندا كٷش قۇرىلىمدارى باسشىلارىنىڭ ەسەپتەرٸ تىڭدالدى. پرەزيدەنتتٸڭ كەزەكتٸ جولداۋىنىڭ قارساڭىندا وسىنداي شارانىڭ بولعانى ٶتە ماڭىزدى دەپ ويلايمىن. قوعام دا قاڭتار وقيعاسىنا بايلانىستى كٶكەيٸندەگٸ سۇراقتاردىڭ كەيبٸرٸنە جاۋاپ الدى. ۇلتتىق ۇلانعا كەلسەك, تەۋەلسٸزدٸك العان كەزدەن بەرٸ قوعامدىق قاۋٸپسٸزدٸكتٸ كٷزەتٸپ كەلەمٸز. 30 جىلدىڭ ٸشٸندە ۇلتتىق ۇلاننىڭ جەكە قۇرامىنا حالىق تاراپىنان, قوعام تاراپىنان, مەملەكەت تاراپىنان ەشقانداي شاعىم ايتىلىپ كٶرگەن جوق. ٸشكٸ ٸستەر ورگاندارىمەن بٸرگە قوعامدىق قاۋٸپسٸزدٸكتٸ قامتاماسىز ەتەتٸن ەسكەري ۆەدومستۆو بولعاندىقتان, قاڭتارداعى جاپپاي تەرتٸپسٸزدٸك كەزٸندە بٸرٸنشٸ بولىپ وقيعا ورنىنا باردىق», - دەيدٸ ساۆەردين يميروۆ.
سونداي-اق, ول پرەزيدەنت قاسىم-جومارت توقاەۆتىڭ ۇلتتىق ۇلاننىڭ قابٸلەتٸن جەتٸلدٸرۋ بويىنشا ناقتى تاپسىرمالار بەرگەنٸن ەسكە سالدى.
«ۇلتتىق ۇلاننىڭ جەكە قۇرامى ەردايىم اياق استىنان پايدا بولاتىن شۇعىل مٸندەتتەردٸ ورىنداۋعا دايىن ەكەنٸن قاڭتار وقيعاسى تاعى كٶرسەتتٸ. بۇعان دەيٸن قورداي وقيعاسى كەزٸندە دە, باسقا ٶڭٸرلەردە دە ەلدٸڭ تىنىشتىعىن قورعاۋ, اۋحالدى تۇراقتاندىرۋ ٷشٸن سەنٸمدٸ قىزمەت ەتكەن بولاتىنبىز. بۇل جولى ەسٸرەسە الماتى قالاسىندا ۇلتتىق ۇلاننىڭ جەكە قۇرامى ٸشكٸ ٸستەر ورگاندارىمەن بٸرگە مٸندەتٸن مٷلتٸكسٸز ورىنداپ, سەنٸپ تاپسىرىلعان نىسانداردىڭ قورعاپ قالدى, بٸر دە بٸر نىساندى تاستاپ كەتكەن جوق. بٷگٸندە ٷلكەن جۇمىس جٷرگٸزٸپ جاتىرمىز. پرەزيدەنت ۇلتتىق ۇلاندى ساندىق, ساپالىق تۇرعىدان نىعايتۋ كەرەكتٸگٸن ايتقانىن بٸلەسٸزدەر. ول ۇلتتىق ۇلاننىڭ ەرەكەتٸنە جوعارى باعا بەرٸپ, مەملەكەت پەن قوعامنىڭ قاۋٸپسٸزدٸگٸن قورعاۋعا قابٸلەتتٸ ورگان ەكەنٸن ايتتى», - دەيدٸ ۇلتتىق ۇلان ەسكەري كەڭەسٸنٸڭ حاتشىسى.
ونىڭ پايىمىنشا ەل باسشىلىعىنىڭ سول كەزدە ۇتىمدى شەشٸم قابىلداۋى تۇراقتىلىقتىڭ جىلدام قالپىنا كەلۋٸنە ەسەر ەتكەن.
«مەملەكەت باسشىسى قاڭتار وقيعاسى كەزٸندە ٶتە ناقتى, باتىل شارالار قابىلداي بٸلدٸ. سونىڭ ارقاسىندا تۇراقتىلىق قالپىنا كەلدٸ. مەجٸلٸستٸڭ بٷگٸنگٸ جالپى وتىرىسىندا باس پروكۋرور دا, ٸشكٸ ٸستەر مينيسترٸ دە, قورعانىس مينيسترٸ دە دەسترۋكتيۆتٸ كٷشتەردٸڭ ۇيىمداسقان تٷردە ەرەكەت ەتكەنٸن راستادى. بٸزدٸڭ «ۇلتتىق ۇلان – بٸرتۇتاستاس جاۋىنگەرلەر جانۇياسى. ارتىمىزدا حالىق, ارتىمىزدا ەلٸمٸز» دەگەن ۇرانىمىز بار. قاڭتار وقيعاسى كەزٸندە وسى ۇرانعا ساي ەرەكەت ەتتٸك», - دەدٸ ساۆەردين يميروۆ.
