Májilis depýtaty Saýytbek Ábdirahmanovtyń pikirinshe, barlyq sheteldik filmderdi qazaq tiline aýdarýdyń qajeti joq, dep habarlaidy Ult.kz tilshisi Baq.kz portalyna silteme jasap.
«Ótken jyldarda qabyldanǵan zańnyń ózinde kinárat bar. Ol kinárat «barlyq» degen sózde bolyp otyr. Búkil filmderdi aýdarýdyń qajeti joq. Naqtylap aitaiyn, barlyq qarjylandyrý kózderi tabylǵan kezde, stýdiialar jabdyqtalǵan kezdiń ózinde búkil filmderdi qazaq tiline aýdarý kerek emes. Qazaq tiline aýdarý ziiandy filmder bar. Másele osynda», - dedi depýtat 2017 jylǵy 1 qańtardan bastap prokatqa shyǵatyn barlyq sheteldik filmderdi qazaq tiline aýdarý usynysyn talqylaý barysynda.
Onyń aitýynsha, zańnan «barlyq» degen sózdi alyp tastaý kerek.
«Qazaq halqyna kerek filmderdi ǵana aýdarýymyz qajet. Biz qazaqqa álemdik kino ónerin nasihattaý missiiasyn óz moinymyzǵa almaimyz. Bul múmkin emes. Elimizge keletin filmderdiń sanynyń ózi 270», - deidi depýtat.
Aita ketsek, 2017 jylǵy 1 qańtardan bastap prokatqa shyǵatyn barlyq sheteldik filmderdi qazaq tiline aýdarý usynylyp otyr. Atap aitqanda, qazaq tilinde kadrdan tys aýdarma jáne sýbtitrler túrindegi aýdarma nemese dýbliaj jasalýy tiis. Mádeniet máseleleri boiynsha jańa zań jobasyna osy túzetýdi usynǵan Májilis depýtaty Shaimardan Nurymovtyń aitýynsha, zańnyń bul normasy 2012 jyldan beri kúshinde bolsa da, jumys istemei keledi, sebebi filmderdi dýbliajdaý kóp shyǵyndy qajet etedi. Sondyqtan elimizde tek keibir filmder ǵana dýbliajdalady, al kóptegen kino týyndylar qazaq tiline múlde aýdarylmai qalyp jatyr. Kadrdan tys aýdarma dýbliajdaýǵa qaraǵanda áldeqaida arzanǵa túsedi, iaǵni zań normasyn oryndaýǵa múmkindik týady.
