Qutqarýshylar 16 jastaǵy jasóspirimniń saýsaǵynan saqinany sheshti. Saýsaq isingendikten saqinadan shyqpai qalǵan, dep habarlaidy QazAqparat.
Tótenshe jaǵdailar ministrliginiń málimetine súiensek, oqiǵa keshe tústen keiin bolǵan.
TJD-ǵa Saran qalasynyń ortalyq aýrýhanasynan 10-synyp oqýshysy saqinany sheshe almai qalǵany jáne qutqarýshylardyń kómegi qajet bolǵany jaily habar túsken. Belgili bolǵandai, saqina 5 kún buryn taǵylǵan jáne basynda ońai alynyp, salynǵan. Biraq keiinnen bala ózdiginen sheshe almaǵan.
Saqinany alyp tastaýǵa ártúrli áreketter jasaldy, tipti bolgarkamen kesýge tyrysqan, alaida sonyń saldarynan saýsaq terisin jaraqattap alǵan. Nátijesinde saýsaq odan da qatty isinip ketken.
Qutqarýshylar quraldyń kómegimen jasóspirimniń isingen saýsaǵynan saqinany shyǵardy.
