قۇتقارۋشىلار 16 جاستاعى جاسٶسپٸرٸمنٸڭ ساۋساعىنان ساقينانى شەشتٸ. ساۋساق ٸسٸنگەندٸكتەن ساقينادان شىقپاي قالعان, دەپ حابارلايدى قازاقپارات.
تٶتەنشە جاعدايلار مينيسترلٸگٸنٸڭ مەلٸمەتٸنە سٷيەنسەك, وقيعا كەشە تٷستەن كەيٸن بولعان.
تجد-عا ساران قالاسىنىڭ ورتالىق اۋرۋحاناسىنان 10-سىنىپ وقۋشىسى ساقينانى شەشە الماي قالعانى جەنە قۇتقارۋشىلاردىڭ كٶمەگٸ قاجەت بولعانى جايلى حابار تٷسكەن. بەلگٸلٸ بولعانداي, ساقينا 5 كٷن بۇرىن تاعىلعان جەنە باسىندا وڭاي الىنىپ, سالىنعان. بٸراق كەيٸننەن بالا ٶزدٸگٸنەن شەشە الماعان.
ساقينانى الىپ تاستاۋعا ەرتٷرلٸ ەرەكەتتەر جاسالدى, تٸپتٸ بولگاركامەن كەسۋگە تىرىسقان, الايدا سونىڭ سالدارىنان ساۋساق تەرٸسٸن جاراقاتتاپ العان. نەتيجەسٸندە ساۋساق ودان دا قاتتى ٸسٸنٸپ كەتكەن.
قۇتقارۋشىلار قۇرالدىڭ كٶمەگٸمەن جاسٶسپٸرٸمنٸڭ ٸسٸنگەن ساۋساعىنان ساقينانى شىعاردى.
