Qazaqstannyń Saýda jáne integratsiia ministrligi Wildberries kompaniiasynyń el aýmaǵynda qosymsha qoima keshenderin ornalastyrý máselesi boiynsha ázirge resmi ótinish túspegenin málimdedi, dep habarlaidy ult.kz.
Vedomstvonyń baspasóz qyzmeti bul málimdemeni Wildberries-tiń qoima keshenin Qazaqstanǵa kóshirýi múmkin degen aqparatqa bailanysty jasady. Osylaisha, qoimanyń kóshiriletini jónindegi málimet ázirge ministrlik tarapynan resmi túrde rastalǵan joq.
Ministrliktiń habarlaýynsha, eger kompaniiadan tiisti usynys tússe, ol Qazaqstannyń ulttyq múddesi men qoldanystaǵy zańnama talaptary eskerile otyryp qaralady.
Sondai-aq vedomstvo halyqaralyq kompaniialardyń jobalary el ekonomikasyna investitsiia tartýǵa jáne otandyq kásipkerler úshin jańa múmkindikter qalyptastyrýǵa baǵyttalýy tiis ekenin atap ótti.
Ministrlik Qazaqstan zamanaýi qoima infraqurylymyn damytýǵa, jańa jumys oryndaryn ashýǵa jáne transshekaralyq elektrondy saýdany keńeitýge múddeli ekenin jetkizdi.
Sonymen birge taýarlardy tasymaldaý, saqtaý jáne ainalymǵa shyǵarý Qazaqstan zańnamasy men Eýraziialyq ekonomikalyq odaqtyń normalaryna sáikes retteletini, al jekelegen naryq qatysýshylary úshin eshqandai erekshe talaptar nemese jeńildikter qarastyrylmaǵany aityldy.
Eske salaiyq, buǵan deiin «Kommersant» basylymy Wildberries Qazaqstanda jalpy aýmaǵy shamamen 100 myń sharshy metr bolatyn qoima oryndaryn izdep jatqanyn habarlaǵan edi.
