Saýda jáne integratsiia ministri Baqyt Sultanov shikizattyń emes ónimderdiń eksportyn eki ese arttyrý jospary alǵa qoiylǵanyn málim etti, dep habarlaidy "Ult aqparat".
«Biz eksporttaýshylar úshin bir tereze qaǵidatyn qoldaný úshin institýtsionaldyq zańnamalyq bazany jetildirýdi josparlap otyrmyz. Bizdiń institýttardyń áleýetin shynymen eki eselep, odan ary damyta alamyz. Osylaisha, bul shikizattyq emes eksport kólemin eki esege kóbeitý mindetine tikelei áser etedi. Ol úshin biz jańa quraldardy engizýimiz kerek», - dedi Baqyt Sultanov Saýda jáne integratsiia ministrliginiń alqa otyrysynda.
Ol osy quraldardyń biri týraly sóz qozǵady.
«Biz saýdany qarjylandyrý siiaqty quraldy engizýdi usyndyq. Naqtyraq aitqanda bizdiń eksporttyq ónimdi qarjylandyrý kerek. Odan bólek qosymsha qun salyǵyn jeńildetile otyryp, qaitarý úshin eksporttyq óndirýshileriniń tizimi qurylady. Eksportty pragmatikalyq túrde josparlaý - aqyldy taldaý júiesine negizdeledi. Munyń bári bizdiń eksport.gov.kz portaly arqyly júzege asyrylady», - dedi ministr.
