Foto: stranabolgariya.ru
Saýda jáne integratsiia ministri Arman Shaqqaliev elimizdegi bazarlarda qylmystyq toptardyń áreket etýine jol bermeitinin, biraq onda zańbuzýshylaqtar tirkelýi múmkin ekenin aitty, - dep habarlaidy Massaget.kz portaly.
Senattyń jalpy otyrysynan shyqqan ministrge jýrnalist «Fermerler bazarlarda ónimderin sata almai otyrǵanyna shaǵymdanyp jatyr. Ónimder sórelerge qoiylady. Biraq onda "bazar mafiiasy" bar eken. Osylaisha, taýardyń baǵasy kóteriledi. Saldaryn qarapaiym halyq kóredi. Osy máselege túsinik berseńiz» dep suraq qoidy.
Arman Shaqqaliev saýalǵa oilanyp jaýap berdi.
"Burynnan ("Bazarda mafiia bolady" degen – avtor) turaqty pikir qalyptasqan. Biz Astanadaǵy (bazarlarǵa) baryp, ondaǵy ákimshilikpen jáne taýar jetkizýshilermen kezdesemiz. Ádette satýshylar ózine taýar jetkizýshilerdi biledi. Siz satyp alýshy retinde taýar satyp alýǵa barǵanda kimge baratynyńyzdy bilesiz. Sizge ondaǵy baǵa nemese (taýardyń) sapasy, qyzmet kórsetýi unaidy. Munda da osyǵan uqsas protsess.
Búginde saýda oryndarynda qandai da bir (qylmystyq – avtor) toptar bar dep aita almaimyz. Eger ondai faktiler bolsa, ashyǵyn aitaiyn, kez kelgen (qylmystyq – avtor) toppen máseleni quqyq qorǵaý organdary jáne ózimizdiń jelimiz boiynsha sheshemiz. Men mundai bolmaidy dep aitpaimyn. Ol (qylmystyq – avtor) topqa bailanysty emes. Ondaǵy másele josyqsyz básekege bailanysty. Keibireýler erekshe mártebesin saqtaǵysy keledi. Ómirde mundai faktiler bolady. Biz oǵan jaýap beremiz", - dedi ministr.
Sondai-aq vedomstvo basshysy jármekelerdegi ádiletsizdikke toqtaldy.
"Jetkizýshiler aimaqta bolǵan jármeńkede oryn tappai qalǵanyn aityp, másele kótergende bizdiń óńirlerdegi departamentter óte jedel áreket etedi. Mundai faktiler bar. Alaida jappai nemese uiymdasqan sipatta bolady dep rastai almaimyn", - dedi Arman Shaqqaliev.
