Saýd Arabiiasynyń Djidda qalasyndaǵy munai taratý stantsiiasyna hýsit búlikshileriniń zymyrany soqqy berdi. Alaida jarylystan eshkim zardap shekken joq, dep habarlaidy Al Jazeera.
Saudi Aramco kompaniiasy ókiliniń seisenbidegi málimdemesine sáikes, shabýyl zaýytta saqtalǵan barlyq otynnyń shamamen 10%-yn joǵaltty, al ol saqtalǵan rezervýar qazir isten shyqqan.
Munai stantsiiasyna jasalǵan shabýyldy bir kún buryn Saýd Arabiiasynyń biligi rastap, ony «snariadpen jasalǵan terroristik shabýyl» dep málimdedi.
Zymyran shabýylynan keiin shyqqan órt 40 minýt ishinde sóndirildi. Odan zardap shekkender men qurban bolǵandar joq.
Shabýyldy Iemendik hýsit búlikshiler toby jasaǵany jáne shabýyldan keiingi málimdemesinde jaýapkershilikti óz moinyna alǵandyǵy habarlandy. Zymyran shabýyly týraly jariialai otyryp, hýsittiń áskeri ókili Iahia Sari «operatsiialar jalǵasady» dep eskertti. Onyń aitýynsha, shabýyl Saýd Arabiiasy bastaǵan Iemendegi koalitsiianyń áreketterine jaýap retinde jasalǵan. Ol sondai-aq «Soltústik Djidda zaýyty - Saudi Aramco» degen jazýy bar sýretti jariialady.
Djidda – Saýd Arabiiasynyń ekinshi úlken qalasy jáne «ekonomikalyq» astanasy, Mekke men Medinaǵa baratyn qajylar jinalatyn oryn. Djiddada Qazaqstannyń Bas konsýldyǵy ornalasqan.
