Foto: Tengrinews.kz
Saýd Arabiiasy biligi giganttyq tekshe formasyndaǵy záýlim ǵimarat salý jospary týraly aitty. Bul ǵimarat bas qalanyń jańa aýdanynyń júregi bolady, - dep habarlaidy Tengritravel.kz portaly Interior basylymyna silteme jasap.
Ár beti 400 metr bolatyn alyp tekshe ǵimarat Saýd Arabiiasynyń astanasy Er-Riiadta salý josparlanǵan. Bul týraly eldiń taq murageri Muhammed ben Salman málimdedi.
Mýkaab ("tekshe" dep aýdarylady) ǵimaratynda murajai, tehnologiia jáne dizain ýniversiteti, immersiv teatr jáne 80-nen asa oiyn-saýyq oryndary ornalasady.
Ǵimarattyń qabyrǵalaryna ishki jaǵynan kelýshilerdi muhit túbine nemese tipti Marsta júrgendei áser qaldyratyn sýretti transliatsiialaý josparlanǵan - atmosferalyq taqyryptar ártúrli bolady.
Sonymen qatar, tekshe mańynda jańa aýdan salynady, onda 100 000 turǵyn úi, kóptegen dúkender jáne keńse ǵimarattary bolady.
Mýkaab "zamanaýi golografiialyq tsifrly jáne virtýaldy tehnologiialarmen" qamtylǵan "álemdegi alǵashqy eliktirer tájiribelik baǵyt" bolatyny aitylady. Saýd Arabiiasy úkimetiniń málimetinshe, fantastikalyq joba 2030 jylǵa deiin aiaqtalýy kerek.
