Saýd Arabiiasynyń oppozitsiialyq jýrnalisi Jamal Hashoggi óliminiń isi boiynsha memlekettik aiyptaýshy onyń qasaqana óltirilgenin moiyndady. Bul týraly Saýd Arabiiasynyń BAQ-y habarlady. Buǵan deiin Er-Riiad Jamal Hashoggi arnaiy qyzmettiń "ruqsat berilmegen operatsiiasy barysynda" qaza tapqanyn málimdegen edi.
Ótken aptada Saýd Arabiiasynyń biligi Hashoggidi koroldiktiń Stambýldaǵy konsýldyǵynda keńseden qashyp shyqpaq bolǵan sátte "qylqyndyryp óltirgenin" moiyndaǵan. Hashoggi 2 qazanda konsýldyqqa qujattaryn rásimdeý úshin kirip, qaita shyqpaǵan.
Saýd Arabiiasy biligi bul iske qatysy bar dep 18 adamdy tutqyndady jáne Hashoggidiń týystaryna kóńil aitty. Taq murageriniń joǵary shendi bes keńesshisi qyzmetterinen bosatyldy.
Qazannyń 24-i kúni Saýd Arabiiasynyń taq murageri Muhammed bin Salman Er-Riiadta ótken investitsiialyq konferentsiiada jýrnalistiń ólimin "jantúrshigerlik qylmys" dep ataǵan.
"Saýd Arabiiasy nátije shyǵarý úshin barlyq qajetti erejeni oryndaidy jáne oqiǵany tergeýge shyndap kirisedi. Jantúrshigerlik qylmysqa kinálilerdi jaýapqa tartýdyń barlyq sharasyn jasaidy. Olar sotqa beriledi" degen taq murageri.
Degenmen, Túrkiia biligi Saýd Arabiiasynyń Jamal Hashoggidiń "abaisyzda ólgeni" týraly málimdemesine senbeitinin málimdegen. Túrkiia prezidenti Rejep Taiyp Erdoǵan 23 qazanda Saýd Arabiiasynyń biligi Hashoggidi qasaqana jáne aldyn ala josparlap óltirgenin, al onyń máiiti Túrkiiadaǵy qylmysqa qatysy bar adamnyń qolynda bolýy múmkin ekenin málimdegen. Erdoǵannyń sózinshe, jýrnalisti óltirýge aldyn ala daiyndalǵan arnaiy eki top qatysqan.
AQSh Hashoggidiń ólimine bailanysty "Magnitskii zańy" aiasynda Saýd Arabiiasyna qarsy sanktsiia salýdy qarastyryp jatyr. Eýropa Odaǵy elderi de jýrnalist ólimin tekserýdi talap etti.
