ساۋد ارابيياسىنىڭ وپپوزيتسييالىق جۋرناليسٸ جامال حاشوگگي ٶلٸمٸنٸڭ ٸسٸ بويىنشا مەملەكەتتٸك ايىپتاۋشى ونىڭ قاساقانا ٶلتٸرٸلگەنٸن مويىندادى. بۇل تۋرالى ساۋد ارابيياسىنىڭ باق-ى حابارلادى. بۇعان دەيٸن ەر-ريياد جامال حاشوگگي ارنايى قىزمەتتٸڭ "رۇقسات بەرٸلمەگەن وپەراتسيياسى بارىسىندا" قازا تاپقانىن مەلٸمدەگەن ەدٸ.
ٶتكەن اپتادا ساۋد ارابيياسىنىڭ بيلٸگٸ حاشوگگيدٸ كورولدٸكتٸڭ ستامبۋلداعى كونسۋلدىعىندا كەڭسەدەن قاشىپ شىقپاق بولعان سەتتە "قىلقىندىرىپ ٶلتٸرگەنٸن" مويىنداعان. حاشوگگي 2 قازاندا كونسۋلدىققا قۇجاتتارىن رەسٸمدەۋ ٷشٸن كٸرٸپ, قايتا شىقپاعان.
ساۋد ارابيياسى بيلٸگٸ بۇل ٸسكە قاتىسى بار دەپ 18 ادامدى تۇتقىندادى جەنە حاشوگگيدٸڭ تۋىستارىنا كٶڭٸل ايتتى. تاق مۇراگەرٸنٸڭ جوعارى شەندٸ بەس كەڭەسشٸسٸ قىزمەتتەرٸنەن بوساتىلدى.
قازاننىڭ 24-ٸ كٷنٸ ساۋد ارابيياسىنىڭ تاق مۇراگەرٸ مۇحاممەد بين سالمان ەر-رييادتا ٶتكەن ينۆەستيتسييالىق كونفەرەنتسييادا جۋرناليستٸڭ ٶلٸمٸن "جانتٷرشٸگەرلٸك قىلمىس" دەپ اتاعان.
"ساۋد ارابيياسى نەتيجە شىعارۋ ٷشٸن بارلىق قاجەتتٸ ەرەجەنٸ ورىندايدى جەنە وقيعانى تەرگەۋگە شىنداپ كٸرٸسەدٸ. جانتٷرشٸگەرلٸك قىلمىسقا كٸنەلٸلەردٸ جاۋاپقا تارتۋدىڭ بارلىق شاراسىن جاسايدى. ولار سوتقا بەرٸلەدٸ" دەگەن تاق مۇراگەرٸ.
دەگەنمەن, تٷركييا بيلٸگٸ ساۋد ارابيياسىنىڭ جامال حاشوگگيدٸڭ "ابايسىزدا ٶلگەنٸ" تۋرالى مەلٸمدەمەسٸنە سەنبەيتٸنٸن مەلٸمدەگەن. تٷركييا پرەزيدەنتٸ رەجەپ تايىپ ەردوعان 23 قازاندا ساۋد ارابيياسىنىڭ بيلٸگٸ حاشوگگيدٸ قاساقانا جەنە الدىن الا جوسپارلاپ ٶلتٸرگەنٸن, ال ونىڭ مەيٸتٸ تٷركيياداعى قىلمىسقا قاتىسى بار ادامنىڭ قولىندا بولۋى مٷمكٸن ەكەنٸن مەلٸمدەگەن. ەردوعاننىڭ سٶزٸنشە, جۋرناليستٸ ٶلتٸرۋگە الدىن الا دايىندالعان ارنايى ەكٸ توپ قاتىسقان.
اقش حاشوگگيدٸڭ ٶلٸمٸنە بايلانىستى "ماگنيتسكيي زاڭى" اياسىندا ساۋد ارابيياسىنا قارسى سانكتسييا سالۋدى قاراستىرىپ جاتىر. ەۋروپا وداعى ەلدەرٸ دە جۋرناليست ٶلٸمٸن تەكسەرۋدٸ تالاپ ەتتٸ.
