22 maýsym kúni Saýd Arabiia qajylyq jáne ýmra ministrligi shildeniń sońynda bolatyn biylǵy qajylyqqa “tek sanaýly” shetel musylmandary qatysa alady dedi.
“Bul sheshim qajylyqtyń qoǵamdyq densaýlyqty saqtaý turǵysynan qaýipsiz ótýi úshin jasaldy. Adamzatty pandemiiaǵa bailanysty qaterden qorǵaýǵa qajetti jáne adamzattyń ómirin saqtap qalý jónindegi Islam ilimine sáikes barlyq aldyn alý sharalary men qashyqtyqty ustaný hattamalary júzege asyrylady” delingen ministrlik málimdemesinde.
Qajylyq - musylmannyń bes paryzynyń biri. Densaýlyǵy men qarajaty bar musylman ǵumyrynda bir ret qajylyq jasaýǵa mindetti.
Ár jyl saiyn 180-nen astam elden 2,5 million adam Saýd Arabiiasyndaǵy Mekke men Mádinaǵa qajylyqqa keledi.
Milliondaǵan shetel azamatynyń kelýi nemese adamdardyń toptalýy juǵý deńgeii joǵary koronavirýstyń taraýyn údetýi múmkin.
Saýd Arabiiasy bolsa, koronavirýstan qatty zardap shekken elderdiń qatarynan tabylyp otyr. Djons Hopkins ýniversitetiniń málimetinshe, elde 161 myń adamnan koronavirýs anyqtalǵan. Onyń 1307-si qaitys bolǵan.
