22 ماۋسىم كٷنٸ ساۋد ارابييا قاجىلىق جەنە ۋمرا مينيسترلٸگٸ شٸلدەنٸڭ سوڭىندا بولاتىن بيىلعى قاجىلىققا “تەك ساناۋلى” شەتەل مۇسىلماندارى قاتىسا الادى دەدٸ.
“بۇل شەشٸم قاجىلىقتىڭ قوعامدىق دەنساۋلىقتى ساقتاۋ تۇرعىسىنان قاۋٸپسٸز ٶتۋٸ ٷشٸن جاسالدى. ادامزاتتى پاندەميياعا بايلانىستى قاتەردەن قورعاۋعا قاجەتتٸ جەنە ادامزاتتىڭ ٶمٸرٸن ساقتاپ قالۋ جٶنٸندەگٸ يسلام ٸلٸمٸنە سەيكەس بارلىق الدىن الۋ شارالارى مەن قاشىقتىقتى ۇستانۋ حاتتامالارى جٷزەگە اسىرىلادى” دەلٸنگەن مينيسترلٸك مەلٸمدەمەسٸندە.
قاجىلىق - مۇسىلماننىڭ بەس پارىزىنىڭ بٸرٸ. دەنساۋلىعى مەن قاراجاتى بار مۇسىلمان عۇمىرىندا بٸر رەت قاجىلىق جاساۋعا مٸندەتتٸ.
ەر جىل سايىن 180-نەن استام ەلدەن 2,5 ميلليون ادام ساۋد ارابيياسىنداعى مەككە مەن مەديناعا قاجىلىققا كەلەدٸ.
ميلليونداعان شەتەل ازاماتىنىڭ كەلۋٸ نەمەسە ادامداردىڭ توپتالۋى جۇعۋ دەڭگەيٸ جوعارى كوروناۆيرۋستىڭ تاراۋىن ٷدەتۋٸ مٷمكٸن.
ساۋد ارابيياسى بولسا, كوروناۆيرۋستان قاتتى زارداپ شەككەن ەلدەردٸڭ قاتارىنان تابىلىپ وتىر. دجونس حوپكينس ۋنيۆەرسيتەتٸنٸڭ مەلٸمەتٸنشە, ەلدە 161 مىڭ ادامنان كوروناۆيرۋس انىقتالعان. ونىڭ 1307-سٸ قايتىس بولعان.
