Almaty qalalyq tutynýshylar quqyǵyn qorǵaý departamentiniń basshysy Arman Aqsýbaev onlain brifing barysynda almatylyqtardyń taýar satyp alý kezindegi quqyqtary týraly aitty, dep habarlaidy "Ult aqparat".
Onyń aitýynsha, Almaty qalasynda ár sekýnd saiyn taýar satyp alynady, sonymen birge azamattar sapasy tómen taýarlarǵa, tipti keide satýshy tarapynan aldaý áreketterine tap bolady.
Spiker atap ótkendei, taýar-aqsha qatynastary aiasynda qolaisyz jaǵdailar kóp kezdesedi.
Ádette dúkender men sýpermarketterde aqaýly taýarlardy esh qiyndyqsyz aýystyryp beredi nemese aqshasyn qaitarady.
Munda eń bastysy - qolyńyzda taýarlyq nemese fiskaldyq chek bolýy kerek.
Sonymen qatar, ol «Tutynýshylardyń quqyqtaryn qorǵaý týraly» Zańǵa sáikes sapasyz taýardy satyp alǵan jaǵdaida, eger satýshy oǵan taýardaǵy kemshilikter jóninde aitpaǵan jaǵdaida, tutynýshy óz tańdaýy boiynsha mynany talap etýge quqyly ekenin atap ótti:
1) satyp alý baǵasyn mólsherine (sapasyna) qarai kemitýdi;
2) taýardyń kemshilikterin óteýsiz joiýdy;
3) taýardyń kemshilikterin joiýǵa jumsaǵan óz shyǵystaryn óteýdi talap etýge quqyly;
4) uqsas markaly (modeldi, artikýldi) taýarǵa aýystyrýǵa;
5) satyp alý baǵasyn tiisinshe qaita eseptei otyryp, basqa markaly (modeldi, artikýldi) sondai taýarǵa aýystyrý;
6) shartty buzýǵa jáne taýar úshin tólengen aqshalai somany qaitarýdy talap etýge quqyly.
Kepildik merzimi ishinde ónimniń kemshilikterine bailanysty talaptardy qoiý qajet ekenin este ustaǵan jón.
Eger taýarǵa kepildik merzimi belgilenbese, kemshilikterge bailanysty talaptardy tutynýshy olar satylǵan taýarda satyp alynǵan kúnnen bastap eki jyl sheginde tabylǵan jaǵdaida qoia alady.
«Eger taýardy tekserý (saraptaý) nátijesinde kemshilikter joq ekeni nemese taýardy tutynýshyǵa bergennen keiin onyń paidalanýdyń, saqtaýdyń belgilengen qaǵidalaryn buzýy saldarynan týyndaǵany anyqtalsa, tutynýshy satýshyǵa saraptama júrgizýge arnalǵan shyǵystardy, sondai-aq taýardy tasymaldaýǵa arnalǵan shyǵystardy óteýge mindetti», -dedi Arman Aqsýbaev.
Bul rette tutynýshy sapany tekserýge jáne taýarǵa saraptama júrgizýge jeke ózi nemese óziniń ókili arqyly qatysýǵa, sondai-aq taýardy óz esebinen tekserýge quqyly ekenin este saqtaý qajet.
Arman Aqsýbaev usynymdar retinde almatylyq tutynýshylarǵa sapasyz taýar satyp alǵan jaǵdaida saýda ornynda óziniń bolǵanyn jáne satyp alǵanyn rastaý úshin sýretke túsirýdi usynady.
«Dúkenderde sýretke túsirýge tyiym salynbaidy. Eger chek joǵalǵan nemese berilmegen bolsa, bul bolashaqta kómegin tigizýi múmkin», - dep tolyqtyrdy departament basshysy.
