QR Kásipodaq federatsiiasynyń tóraǵasy Satybaldy Dáýletalin memlekettik órkenietti eńbek naryǵyn birlesip qurýǵa shaqyrdy, dep habarlaidy QazAqparat.
«Arzan eńbek ekonomikany qurtyp jatqanyn ashyq aitý kerek. Otbasyn asyraý úshin jumys kúnin tiimsiz orynda bosqa ótkizip júrgender kóp. Laiyqty eńbek arzan bola almaitynyn bárimiz túsinetin kez jetti. Eńbek laiyqty baǵalanbasa, joqshylyq áýeli adam sanasynda ornaidy. Saldarynan áleýmettik-ekonomikalyq turǵydan qorǵalmaǵanyn ańdaǵan adamdar óz quqyqtary men múddesin qorǵaý úshin eń shetin sharalarǵa barýy múmkin», - dedi ol Eńbek jáne halyqty áleýmettik qorǵaý ministrliginiń keńeitilgen alqa májilisinde.
Sondai-aq ol jumysshy men jumys berýshiniń arasyndaǵy daýdy ereýilmen emes, erejemen sheshetindei júie qurý kerek degen pikir aitty.
«Búginde jumysshylarǵa tabystyń ósimi jáne jumys berýshimen aradaǵy qatynasty quqyqtyq alańda sheshý múmkindigi qajet. Qazir memleketke de, kásipodaq qozǵalystaryna da órkenietti eńbek naryǵyn qurý mańyzdy», - dedi federatsiia basshysy.
