Ánshi Ábdijappar Álqoja qazaqstandyq jas fýtbolshy Dastan Sátpaevtyń tegin ózgertý jóninde usynys tastady, dep habarlaidy ult.kz.
Óner iesi áleýmettik jelidegi paraqshasynda sheteldik kommentatorlardyń fýtbolshynyń tegin «Sátpaev» dep aityp júrgenine nazar aýdarǵan.
Onyń aitýynsha, Dastannyń qujattaǵy tegin ózgertýdiń qajeti joq, alaida oiyn jeidesindegi jazýdy ulttyq úlgige jaqyndatýǵa bolady.
«Dastan Sátpaev "Chelsi" sapyndaǵy alǵashqy golyn soqty. Biraq sheteldik kommentatorlardyń bári onyń tegin "Sátpaev" dep aityp jatyr. Jankúier retinde "Sátbai" dep jazylsa jaqsy bolar edi. Qujattaǵy tegi ózgermese de, fýtbolkasynyń artynda "Sátbai" dep jazylsa, erekshe kóriner edi. "Sátpaev" ataýy báribir oryssha estiledi», – dep jazdy ánshi.
Álqoja bul usynysyn kópshilik talqysyna usynyp, fýtbolshynyń tegin ulttyq naqyshqa jaqyndatý máselesine qatysty pikir bildirýge shaqyrdy.
