Foto: Akorda.kz
Memleket basshysy Energetika ministri Almasadam Sátqalievti qabyldady, dep habarlaidy "Ult aqparat" Aqordanyń resmi saityna silteme jasap.
Prezidentke elimizdiń otyn-energetika kesheniniń negizgi damý kórsetkishteri, janar-jaǵarmai naryǵyn úzdiksiz qamtamasyz etý sharalary, sondai-aq iri munai-gaz jobalaryn odan ári damytý máselesi týraly baiandaldy.
Qasym-Jomart Toqaevqa ishki naryqty gazben qamtamasyz etý jáne jalpy gaz salasyn damytý sharalary jóninde málimet berildi. Energetika ministri biyl Qazaqstanda taýarlyq gazdy únemdep tutynýdy yntalandyrý úshin energiia tiimdiligin arttyrý jospary ázirlenetinin aitty.
Budan bólek, Memleket basshysyna generatsiia sektoryndaǵy jobalardy júzege asyrý, elektr energiiasynyń tapshylyǵyn joiý, elektr energetikasy salasyn retteý tásilderin jetildirý jáne naryqty damytýdyń jańa modelin engizý perspektivalary týraly aqparat berildi.
Kezdesý sońynda Prezident elimizdiń energetika infraqurylymyn odan ári jańǵyrtýdyń, sondai-aq munai-gaz jobalaryn ýaqytyly júzege asyrýdyń mańyzdy ekenine nazar aýdardy.
