Foto: Halyqstan
Sátbaev qalasynda kýrerge tapsyrys úshin sývenirlik aqsha berilgeni belgili boldy, dep habarlaidy Ult.kz.
Oqiǵa týraly áleýmettik jelide kýrerdiń jubaiy jazba jariialaǵan.
Avtordyń aitýynsha, onyń jubaiy keshki ýaqytta «Chempion» dúkeni mańyna tapsyrys jetkizgen. Tapsyrysty alǵan jas qyz qolma-qol aqshamen esep aiyrysqan. Alaida biraz ýaqyt ótken soń kýrer eki 5 myń teńgelik kýpiýranyń jalǵan ekenin baiqaǵan.
«Ol mekenjaiyn berip, ózi sol jerde kútip alǵan. Keiin belgili bolǵandai, ol ol jerde turmaityn bolyp shyqty. Muny basqa adamdardy da aldap ketpes úshin jazyp otyrmyn», – dep jazady kýrerdiń jubaiy.
Ulytaý oblystyq politsiia departamentiniń málimetinshe, atalǵan derek boiynsha ázirge resmi aryz túspegen.
Sonymen qatar, áleýmettik jelide jariialanǵan aqparat negizinde Sátbaev qalalyq politsiia bólimi tekserý jumystaryn bastaǵan.
