Qaraǵandyda tergeý izoliatorynyń kamerasynda Satbaev qalasynda 5 jasar qyzdy zorlaǵan kúdiktiniń denesi tabyldy, dep habarlaidy "Ult aqparat".
6 qazan kúni Qaraǵandy qalasynyń tergeý izoliatorynda jas qyzdy zorlaǵany úshin tergelip, tutqyndalǵan kúdiktiniń denesi tabyldy.
«Oqiǵa ornyna kelgen jedel meditsinalyq járdem brigadasy kúdiktiniń qaitys bolǵanyn anyqtady. Ólimniń aldyn-ala sebebi - sýitsid. Tekserý kezinde qaitys bolǵan adamnyń denesinen qandai da bir jaraqattar anyqtalǵan joq.
Atalǵan derek sotqa deiingi tergeýdiń biryǵai tizilimine tirkeldi. Oqiǵa ornyna Qaraǵandy qalasynan jedel tergeý toby keldi. Qylmystyq atqarý júiesi departamenti osy oqiǵa boiynsha qyzmettik tekserý taǵaiyndady», - dep habarlady Qaraǵandy oblysy boiynsha QAJ departamentiniń baspasóz qyzmeti.
Esterińizge sala keteiik, 23 shildede Sátbaev qalasynyń politsiiasyna er adam bes jasar qyzynyń joǵalǵany týraly aryz jazǵan bolatyn. Qyzdy izdeýge jergilikti politsiia bóliminiń barlyq jeke quramy jáne júzden astam eriktiler qatysty. Bala túnde kóp qabatty úilerdiń birinen tabyldy.
27 shildede kúdikti qamaýǵa alyndy.
