Jetisý oblysyndaǵy Saryózek garnizonynda 19 jastaǵy Temirbek Myńjasarov esimdi kishi serjantqa oq atylǵan. Jaraqattanǵan ol qazirgi ýaqytta Eskeldi aýdandyq aýrýhanasynda em qabyldaýda. Bul týraly "Ult aqparat" 31-arnanyń "Informbiýro" baǵdarlamasyna silteme jasap habarlaidy.
Temirbek osydan bir jyl buryn kelisimshart arqyly áskeri qyzmetke qabyldanyp, 6 ai áskeri boryshyn ótegen. Oqys oqiǵa 2 qyrkúiek kúni bolǵan, týystarynyń aitýynsha, áriptesteriniń biri kezdeisoq oq atqan. Oq Myńjasarovtyń bilegin tesip ótken, alaida áskeri bólim basshylyǵy birden aýrýhanaǵa jetkizýdiń ornyna ony páterde bir kún boiy ustaǵan.
Temirbektiń ákesi Baqytbek Qasymbekov balasynyń jaǵdaiyn kesh habar alyp, ony áskeri politsiianyń kómegimen tapqanyn aitady. Qazirgi tańda bul oqiǵa boiynsha tergeý amaldary bastalǵan.
