Túrkistan oblysy, Saryaǵash aýdany aýmaǵynda aýyl sharýashylyǵy salasy boiynsha biyl 71,1 myń ga egistik jer igerilip, jalpy 559,3 myń tonna aýyl sharýashylyǵy ónimi jinaldy, dep habarlaidy «Ult aqparat» oblys ákimdiginiń baspasóz qyzmetine silteme jasap.
Jyl basynan beri jańadan 35,3 ga jylyjailar salynyp, osy jylyjailardan eki ainalymda 98,7 myń tonna ónim jinalyp, elimiz ben kórshi shet memleketterge saýdalandy.
Aýdannyń eńbekqor sharýalary jylyjailarda óndiriletin ónim kólemin ártaraptandyrý maqsatynda limon, qulpynai, baialdy (baklajan), kabachok, gúl ósirýdi qolǵa aldy.
Sonymen qatar «Bir alqaptan jylyna 2-3 ónim alý» jobasy qolǵa alynǵaly sharýalardyń ónimi ulǵaiyp, búgingi kúnge jalpy 92,0 myń tonna ónim jinap alyndy.
Sharýalardyń eńbeginiń nátijesinde jyl basynan beri 122,5 mlrd. teńgeniń ónimi óndirilip, ósim 107,8% - ǵa jetti.
Aýdan boiynsha aýyl. sharýashylyǵy salasyna 5,9 mlrd. teńge investitsiia tartyldy.
Biyl aýdan aýmaǵyndaǵy mal men qus sany 1067198 basty qurady. Et – 13690,9 tonna, sút – 51310,7 tonna jáne 97,6 mln. dana jumyrtqa óndirilip, elimizdiń azyq- túlik qaýipsizdigine úles qosyp otyr. Aýdanda mal sharýashylyǵyn damytý boiynsha birqatar aýqymdy jumystar atqarylyp keledi.
Aýdan sharýalary Astana, Almaty, Túrkistan qalalarynda ótken aýyl sharýashylyǵy ónimderi jármeńkesine 17 ret qatysyp, 257 tonnaǵa jýyq ónim naryqtyq baǵadan 10-15 % tómen baǵada saýdalandy.
Jyl basynan qara kúzge deiin eńbektengen sharýalardyń eńbekteri óz nátijesin berip, osyndai kórsetkishtermen baǵalanýda.
