تٷركٸستان وبلىسى, سارىاعاش اۋدانى اۋماعىندا اۋىل شارۋاشىلىعى سالاسى بويىنشا بيىل 71,1 مىڭ گا ەگٸستٸك جەر يگەرٸلٸپ, جالپى 559,3 مىڭ توننا اۋىل شارۋاشىلىعى ٶنٸمٸ جينالدى, دەپ حابارلايدى «ۇلت اقپارات» وبلىس ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
جىل باسىنان بەرٸ جاڭادان 35,3 گا جىلىجايلار سالىنىپ, وسى جىلىجايلاردان ەكٸ اينالىمدا 98,7 مىڭ توننا ٶنٸم جينالىپ, ەلٸمٸز بەن كٶرشٸ شەت مەملەكەتتەرگە ساۋدالاندى.
اۋداننىڭ ەڭبەكقور شارۋالارى جىلىجايلاردا ٶندٸرٸلەتٸن ٶنٸم كٶلەمٸن ەرتاراپتاندىرۋ ماقساتىندا ليمون, قۇلپىناي, بايالدى (باكلاجان), كاباچوك, گٷل ٶسٸرۋدٸ قولعا الدى.
سونىمەن قاتار «بٸر القاپتان جىلىنا 2-3 ٶنٸم الۋ» جوباسى قولعا الىنعالى شارۋالاردىڭ ٶنٸمٸ ۇلعايىپ, بٷگٸنگٸ كٷنگە جالپى 92,0 مىڭ توننا ٶنٸم جيناپ الىندى.
شارۋالاردىڭ ەڭبەگٸنٸڭ نەتيجەسٸندە جىل باسىنان بەرٸ 122,5 ملرد. تەڭگەنٸڭ ٶنٸمٸ ٶندٸرٸلٸپ, ٶسٸم 107,8% - عا جەتتٸ.
اۋدان بويىنشا اۋىل. شارۋاشىلىعى سالاسىنا 5,9 ملرد. تەڭگە ينۆەستيتسييا تارتىلدى.
بيىل اۋدان اۋماعىنداعى مال مەن قۇس سانى 1067198 باستى قۇرادى. ەت – 13690,9 توننا, سٷت – 51310,7 توننا جەنە 97,6 ملن. دانا جۇمىرتقا ٶندٸرٸلٸپ, ەلٸمٸزدٸڭ ازىق- تٷلٸك قاۋٸپسٸزدٸگٸنە ٷلەس قوسىپ وتىر. اۋداندا مال شارۋاشىلىعىن دامىتۋ بويىنشا بٸرقاتار اۋقىمدى جۇمىستار اتقارىلىپ كەلەدٸ.
اۋدان شارۋالارى استانا, الماتى, تٷركٸستان قالالارىندا ٶتكەن اۋىل شارۋاشىلىعى ٶنٸمدەرٸ جەرمەڭكەسٸنە 17 رەت قاتىسىپ, 257 تونناعا جۋىق ٶنٸم نارىقتىق باعادان 10-15 % تٶمەن باعادا ساۋدالاندى.
جىل باسىنان قارا كٷزگە دەيٸن ەڭبەكتەنگەن شارۋالاردىڭ ەڭبەكتەرٸ ٶز نەتيجەسٸن بەرٸپ, وسىنداي كٶرسەتكٸشتەرمەن باعالانۋدا.
