Memleket basshysy Qasym-Jomart Toqaevtyń tapsyrmasyna sáikes elimizde sportty damytýǵa, sporttyq infraqurylymnyń balalarǵa barynsha qoljetimdiligin qamtamasyz etýge kóńil bólinýde. Osy baǵytta Saryaǵash aýdany, Darbaza aýyldyq okrýginde zamanaýi sport alańshasy boi kóterdi. Atalǵan sport alańshasyna aýdan ákimi Muhit Otarshiev arnaiy baryp, ashylý saltanatyna qatysty. Bul týraly oblys ákimdiginiń baspasóz qyzmeti habarlady.
«Bul – memleketimizdiń el keleshegin, urpaq bolashaǵyn qamdastyryp otyrǵan saliqaly saiasatynyń jarqyn kórinisi. Táýelsiz Otanymyzdyń tuǵyrly, ǵumyrly bolýy – búgingi jas urpaqtyń qolynda. Búgingi paidalanýǵa berilip otyrǵan alańsha sportty súietin qalyń jurtshylyqtyń, ásirese, jastardyń qymbatty ordasyna ainalsyn! Keleshekte respýblikamyzdyń namysyn qorǵaityn Aziia, Álem, Olimpiada chempiondary shyqsyn», – dedi aýdan basshysy.
Aita ketsek, atalǵan sport alańshasy aýdandyq biýdjet esebinen salyndy. Jalpy aýdany 0,30 gektardy quraityn sport alańshasynda fýtbol alańy, avtoturaq, sonymen qatar Workout-pen (jattyǵý alańshasymen) jabdyqtalǵan. Munda jaqyn mańda turatyn balalar voleibol, fýtboldan saiysyp, qosymsha sport túrlerimen de ainalysatyn bolady.
