مەملەكەت باسشىسى قاسىم-جومارت توقاەۆتىڭ تاپسىرماسىنا سەيكەس ەلٸمٸزدە سپورتتى دامىتۋعا, سپورتتىق ينفراقۇرىلىمنىڭ بالالارعا بارىنشا قولجەتٸمدٸلٸگٸن قامتاماسىز ەتۋگە كٶڭٸل بٶلٸنۋدە. وسى باعىتتا سارىاعاش اۋدانى, داربازا اۋىلدىق وكرۋگٸندە زاماناۋي سپورت الاڭشاسى بوي كٶتەردٸ. اتالعان سپورت الاڭشاسىنا اۋدان ەكٸمٸ مۇحيت وتارشيەۆ ارنايى بارىپ, اشىلۋ سالتاناتىنا قاتىستى. بۇل تۋرالى وبلىس ەكٸمدٸگٸنٸڭ باسپاسٶز قىزمەتٸ حابارلادى.
«بۇل – مەملەكەتٸمٸزدٸڭ ەل كەلەشەگٸن, ۇرپاق بولاشاعىن قامداستىرىپ وتىرعان ساليقالى ساياساتىنىڭ جارقىن كٶرٸنٸسٸ. تەۋەلسٸز وتانىمىزدىڭ تۇعىرلى, عۇمىرلى بولۋى – بٷگٸنگٸ جاس ۇرپاقتىڭ قولىندا. بٷگٸنگٸ پايدالانۋعا بەرٸلٸپ وتىرعان الاڭشا سپورتتى سٷيەتٸن قالىڭ جۇرتشىلىقتىڭ, ەسٸرەسە, جاستاردىڭ قىمباتتى ورداسىنا اينالسىن! كەلەشەكتە رەسپۋبليكامىزدىڭ نامىسىن قورعايتىن ازييا, ەلەم, وليمپيادا چەمپيوندارى شىقسىن», – دەدٸ اۋدان باسشىسى.
ايتا كەتسەك, اتالعان سپورت الاڭشاسى اۋداندىق بيۋدجەت ەسەبٸنەن سالىندى. جالپى اۋدانى 0,30 گەكتاردى قۇرايتىن سپورت الاڭشاسىندا فۋتبول الاڭى, اۆتوتۇراق, سونىمەن قاتار Workout-پەن (جاتتىعۋ الاڭشاسىمەن) جابدىقتالعان. مۇندا جاقىن ماڭدا تۇراتىن بالالار ۆولەيبول, فۋتبولدان سايىسىپ, قوسىمشا سپورت تٷرلەرٸمەن دە اينالىساتىن بولادى.
