Saryaǵash aýdanynda 150-ge jýyq adam jinalyp kókpar uiymdastyrǵan, dep habarlaidy «Ult aqparat» Túrkistan oblysy Politsiia departamenti baspasóz qyzmetine silteme jasap.
Túrkistan oblysy Bas memlekettik sanitariialyq dárigeriniń qaýlylarynyń negizinde, karantin rejimi kezinde birqatar shekteý qoiylǵan. Osy baǵytta Saryaǵash aýdandyq PB politseileri karantin rejimin jáne shekteý sharasyn saqtaý úshin qurylǵan toppen birge profilaktikalyq jumysty júrgizip keledi.
«Osyndai kezekti reid barysynda kúndizgi saǵat 15:30 shamasynda Saryaǵash aýdanyndaǵy aýyldyń birinde kókpar ótkizilip jatqany anyqtalǵan. 150-ge jýyq adam jinalyp «Bata kókpar» uiymdastyryp, karantin rejimin jáne shekteý sharalaryn saqtamaǵan 60 jastaǵy turǵynǵa qatysty is-qujat jinaldy. Qylmysyq kodekstiń 425-baby «Halyqtyń sanitariialyq-epidemiologiialyq salamattylyǵy salasyndaǵy zańnama talaptaryn, sondai-aq gigienalyq normativterdi buzý» boiynsha jinaqtalǵan qujattar Saryaǵash aýdandyq sanitarlyq-epidemiologiialyq baqylaý bólimine joldandy», delingen habarlamada.
Baspasóz qyzmetiniń málimetinshe, jyl basynan beri Saryaǵash aýdanynda jasyryn túrde 10-ǵa jýyq kókpar uiymdastyrylǵan.
Túrkistan oblysynyń politseileri azamattardy karantin rejimin qatań saqtaýǵa, meditsinalyq betperde kiiýge jáne áleýmettik qashyqty saqtaýǵa shaqyrady.
