Almaty oblysy Sarqan qalasynda tserebraldy sal aýrýy bar 4 jasar qyzdy óltirdi degen kúdiktiler qamaýǵa alyndy, - dep habarlaidy Polisia.kz.
Kúdikti - qyzdyń anasy men onyń týǵan aǵasy. Politsiia málimetinshe, olar 4 jasar qyzdy tunshyqtyryp, denesin qaladaǵy qoqysqa tastaǵanyn moiyndaǵan.
Qylmystyq is Qylmystyq kodekstiń 99-babynyń 3-bóligi boiynsha tergelýde, bul bapta kámeletke tolmaǵan balany óltirgeni úshin jaza qarastyrylǵan. Kúdiktiler ýaqytsha ustaý abaqtysyna qamaldy. Olardyń múlki tárkilenip, uzaq merzimge sottalýy nemese ómir boiyna bas bostandyǵynan aiyrylýy múmkin.
Eske salaiyq, 19 mamyrda Almaty oblysynda 4-5 jas aralyǵyndaǵy qyz qoqystan óli tabylǵany habarlanǵan bolatyn.
Politseiler bala men onyń anasynyń jeke basyn anyqtady. Balanyń anasy 19 jastaǵy jergilikti turǵyn bolyp shyqqan.
Onyń aitýynsha, qyzy 2017 jyly dúniege kelgen. Ol tserebraldi sal aýrýyna shaldyqqan, sondai-aq, balada týa bitken aqyl-oi kemistigi bolǵan. Biyl aqpanda aýyryp, kenet qaitys bolǵan. Sondyqtan áiel aǵasymen birge qyzdy qala shetine jasyryn túrde jerlegen.
