الماتى وبلىسى سارقان قالاسىندا تسەرەبرالدى سال اۋرۋى بار 4 جاسار قىزدى ٶلتٸردٸ دەگەن كٷدٸكتٸلەر قاماۋعا الىندى, - دەپ حابارلايدى Polisia.kz.
كٷدٸكتٸ - قىزدىڭ اناسى مەن ونىڭ تۋعان اعاسى. پوليتسييا مەلٸمەتٸنشە, ولار 4 جاسار قىزدى تۇنشىقتىرىپ, دەنەسٸن قالاداعى قوقىسقا تاستاعانىن مويىنداعان.
قىلمىستىق ٸس قىلمىستىق كودەكستٸڭ 99-بابىنىڭ 3-بٶلٸگٸ بويىنشا تەرگەلۋدە, بۇل باپتا كەمەلەتكە تولماعان بالانى ٶلتٸرگەنٸ ٷشٸن جازا قاراستىرىلعان. كٷدٸكتٸلەر ۋاقىتشا ۇستاۋ اباقتىسىنا قامالدى. ولاردىڭ مٷلكٸ تەركٸلەنٸپ, ۇزاق مەرزٸمگە سوتتالۋى نەمەسە ٶمٸر بويىنا باس بوستاندىعىنان ايىرىلۋى مٷمكٸن.
ەسكە سالايىق, 19 مامىردا الماتى وبلىسىندا 4-5 جاس ارالىعىنداعى قىز قوقىستان ٶلٸ تابىلعانى حابارلانعان بولاتىن.
پوليتسەيلەر بالا مەن ونىڭ اناسىنىڭ جەكە باسىن انىقتادى. بالانىڭ اناسى 19 جاستاعى جەرگٸلٸكتٸ تۇرعىن بولىپ شىققان.
ونىڭ ايتۋىنشا, قىزى 2017 جىلى دٷنيەگە كەلگەن. ول تسەرەبرالدٸ سال اۋرۋىنا شالدىققان, سونداي-اق, بالادا تۋا بٸتكەن اقىل-وي كەمٸستٸگٸ بولعان. بيىل اقپاندا اۋىرىپ, كەنەت قايتىس بولعان. سوندىقتان ەيەل اعاسىمەن بٸرگە قىزدى قالا شەتٸنە جاسىرىن تٷردە جەرلەگەن.
