«Nur Otan» partiiasynyń Májilis sailaýyna arnalǵan sailaýaldy baǵdarlamasyn sarapshylar qaýymdastyǵynyń ókilderi, belgili saiasattanýshylar, qoǵam belsendileri men ekonomister talqylady, dep habarlaidy "Ult aqparat".
Olardyń arasynda Qazaqstan strategiialyq zertteýler institýtynyń direktory Zarema Sháýkenova, Ekonomikalyq zertteýler institýtynyń tóraǵasy Rýslan Sultanov, saiasattanýshylar Aidos Sarym, Maksim Kaznacheev, Islam Kýraev jáne Rasýl Jumaly, Eýraziialyq integratsiia institýtynyń direktory Erlan Sairov, Qoldanbaly zertteýler ortalyǵynyń basshysy Rahym Oshaqbaev, sarapshylar Iarali Halilov, Nurlan Mahmýdov, Bella Gadzieva, Lázzat Nurqatova jáne taǵy basqalary bar.
Kezdesýde sóilegen «Nur Otan» hatshysy Arman Qyryqbaevtyń atap ótkenindei, Elbasy-partiia Tóraǵasy Nursultan Nazarbaevtyń tapsyrmasyna orai jumys toby Úkimetpen birge eki ai ishinde, burynǵy tájiribe men álemdik trendterdi eskerip, qoǵamnyń suranysyn nazarǵa ala otyryp, baǵdarlamany pysyqtady.
Elimiz boiynsha 70-ke jýyq fokýs-toptar ótkizildi, sonyń aiasynda memlekettik organ qyzmetkerleriniń de, partiialyqtardyń da suranysy men talap-tilekteri zerdelendi.
Eger baǵdarlamanyń bastapqy jobasy salalyq sipatqa ie bolsa, pysyqtalǵannan keiin besjyldyq qujatta halyqtyń barlyq tobynyń suranysy barynsha qamtyla tústi.
Bul rette «Nur Otan» partiiasynyń baǵdarlamasy Prezident Qasym-Jomart Toqaevtyń sailaýaldy tuǵyrnamasyna jáne halyqqa arnaǵan Joldaýynda kórsetilgen mindetterine negizdelgen. Atalǵan qujattardaǵy tujyrymdamalyq ideialar partiianyń sailaýaldy baǵdarlamasynyń naqty indikatorlarynda, sharalary men mindetterinde kórinis tapty.
Kezdesýge qatysýshylardyń aitýynsha, «Nur Otan» partiiasynyń baǵdarlamasy pandemiiadan týyndaǵan kúrdeli ekonomikalyq ahýalǵa qaramastan aýqymdy bola túsken. Sonymen birge olar «Nur Otan» partiiasynyń respýblikalyq partiiaishilik sailaý aýqymynda ótkizgen praimerizin joǵary baǵalady.
Sarapshy Bella Gazdievanyń aitýynsha, praimerizdiń arqasynda azamattardyń ózekti usynystary men talap-tilekteri jinalyp, baǵdarlama jobasyna engen. Óz kezeginde saiasattanýshy Maksim Kaznacheev partiia aldaǵy sailaý naýqanynyń kún tártibin aiqyndap alǵanyn atap ótti.
«Bul baǵdarlama partiianyń daǵdarys jaǵdaiyna jedel den qoia otyryp, ýaqytpen qatar qadam basyp kele jatqanyn kórsetedi. Ótken praimeriz partiianyń júieli jańarýǵa daiyn ekenin dáleldedi. Partiiaishilik irikteý barysynda belsendi tulǵalardy anyqtaýǵa múmkindik týdy. Partiiaǵa jańa músheler, onyń ishinde óz salasynyń tanymal tulǵalar kirdi. Óńirlerdegi pikirtalastarda baǵdarlamalardyń qyzý talqylanýy qorytyndy qujatta naqty problemalardyń eskeriletinin bildiredi», - dep atap ótti Maksim Kaznacheev.
Kezdesý qorytyndysynda qatysýshylar ózderiniń birqatar usynysyn alǵa tartty. Partiia hatshysy Arman Qyryqbaevtyń aitýynsha, olardyń barlyǵy qaralyp, eskeriletin bolady.
Esterińizge sala keteiik, partiia Lideri Nursultan Nazarbaevtyń tapsyrmasy boiynsha «Nur Otan» ár óńir, qala jáne aýdan boiynsha 216 sailaýaldy baǵdarlamanyń jobalaryn ázirledi.
Jobalar óńirlerdegi, onyń ishinde eldiń eń shalǵai eldi mekenderindegi halyqpen kezdesýlerdiń qorytyndylary boiynsha qalyptastyrylǵan túiindi máseleler kartasy negizinde ázirlendi.
Prezident Qasym-Jomart Toqaevtyń «Halyq únine qulaq asatyn memleket» tujyrymdamasyn iske asyrý aiasynda baǵdarlamalardyń barlyq jobalary praimeriz barysynda turǵyndarmen keńinen talqylandy. Qabyldanǵan óńirlik baǵdarlamalarda azamattardyń 17 myń usynys pen eskertýleriniń 80% astamy eskerilgen.
