Sarapshylar biyl Qazaqstanda jyljymaityn múlik baǵasy kem degende bes paiyzǵa ósedi degen boljam jasap otyr. Bul týraly "Astana" telearnasynyń siýjetinde aitylǵan, - dep habarlaidy Tengrinews.kz tilshisi.
Qazir qaitalama naryqtaǵy páterler jańa úilerge qaraǵanda bir jarym ese qymbat. Bir jyldyń ishinde mundai páterlerdiń quny shamamen 30 paiyzǵa ósti. Máselen, elordanyń sol jaǵalaýyndaǵy 15 million turatyn bir bólmeli páterdiń baǵasy qazir 20-dan kem emes.
Kóbinese satýshylardyń ózi úidi qymbattatyp jiberetini habarlandy. Sonyń saldarynan qazir qaitalama naryqtaǵy sharshy metr 500 myń teńgeden bastalady. Al jańa biznes-klass ǵimaratynda sharshy metr 100 myńǵa arzan.
"2021 jyly BJZQ-ǵa bailanysty ósim boldy. Ekinshi naryqtaǵy satýshylar baǵany kóterip jiberdi. Bul úlken dúrlikpe týdyrdy. Aldaǵy toqsanda 2021 jyldyń sońǵy baǵasy saqtalady dep oilaimyn", - dedi rieltor Ádil Serǵazinov.
Sarapshylardyń pikirinshe, shekaradaǵy jaǵdai sheshilse, jyljymaityn múlik arzandaýy múmkin.
"Shekarada materialdar tielgen úlken vagondar elge kire almai tur. Bul másele sheshilse, árine, qurylys nysandaryna paidasy bolady. Baǵanyń ósýi, eń aldymen, toqtaidy. Elimizde qurylys materialdary óndirisi belsendi dami bastasa, bárine jaqsy bolady", - deidi Qazaqstan qurylysshylary qaýymdastyǵynyń prezidenti Viktor Mikriýkov.
Almatyda jappai tártipsizdikten keiin jyljymaityn múlik naryǵynda tynyshtyq baiqalady. Biraq aqpannyń sońynda sarapshylar qurylys pen satý ótken jylǵy qarqynyna oralady dep kútip otyr.
