ساراپشىلار بيىل قازاقستاندا جىلجىمايتىن مٷلٸك باعاسى كەم دەگەندە بەس پايىزعا ٶسەدٸ دەگەن بولجام جاساپ وتىر. بۇل تۋرالى "استانا" تەلەارناسىنىڭ سيۋجەتٸندە ايتىلعان, - دەپ حابارلايدى Tengrinews.kz تٸلشٸسٸ.
قازٸر قايتالاما نارىقتاعى پەتەرلەر جاڭا ٷيلەرگە قاراعاندا بٸر جارىم ەسە قىمبات. بٸر جىلدىڭ ٸشٸندە مۇنداي پەتەرلەردٸڭ قۇنى شامامەن 30 پايىزعا ٶستٸ. مەسەلەن, ەلوردانىڭ سول جاعالاۋىنداعى 15 ميلليون تۇراتىن بٸر بٶلمەلٸ پەتەردٸڭ باعاسى قازٸر 20-دان كەم ەمەس.
كٶبٸنەسە ساتۋشىلاردىڭ ٶزٸ ٷيدٸ قىمباتتاتىپ جٸبەرەتٸنٸ حابارلاندى. سونىڭ سالدارىنان قازٸر قايتالاما نارىقتاعى شارشى مەتر 500 مىڭ تەڭگەدەن باستالادى. ال جاڭا بيزنەس-كلاسس عيماراتىندا شارشى مەتر 100 مىڭعا ارزان.
"2021 جىلى بجزق-عا بايلانىستى ٶسٸم بولدى. ەكٸنشٸ نارىقتاعى ساتۋشىلار باعانى كٶتەرٸپ جٸبەردٸ. بۇل ٷلكەن دٷرلٸكپە تۋدىردى. الداعى توقساندا 2021 جىلدىڭ سوڭعى باعاسى ساقتالادى دەپ ويلايمىن", - دەدٸ ريەلتور ەدٸل سەرعازينوۆ.
ساراپشىلاردىڭ پٸكٸرٸنشە, شەكاراداعى جاعداي شەشٸلسە, جىلجىمايتىن مٷلٸك ارزانداۋى مٷمكٸن.
"شەكارادا ماتەريالدار تيەلگەن ٷلكەن ۆاگوندار ەلگە كٸرە الماي تۇر. بۇل مەسەلە شەشٸلسە, ەرينە, قۇرىلىس نىساندارىنا پايداسى بولادى. باعانىڭ ٶسۋٸ, ەڭ الدىمەن, توقتايدى. ەلٸمٸزدە قۇرىلىس ماتەريالدارى ٶندٸرٸسٸ بەلسەندٸ دامي باستاسا, بەرٸنە جاقسى بولادى", - دەيدٸ قازاقستان قۇرىلىسشىلارى قاۋىمداستىعىنىڭ پرەزيدەنتٸ ۆيكتور ميكريۋكوۆ.
الماتىدا جاپپاي تەرتٸپسٸزدٸكتەن كەيٸن جىلجىمايتىن مٷلٸك نارىعىندا تىنىشتىق بايقالادى. بٸراق اقپاننىڭ سوڭىندا ساراپشىلار قۇرىلىس پەن ساتۋ ٶتكەن جىلعى قارقىنىنا ورالادى دەپ كٷتٸپ وتىر.
