Sarapshylar Eýroodaq elderinde uzaq tvindemiia bastalǵanyn boljap otyr. Reseide bir táýlikte koronavirýstan 700-ge jýyq adam qaitys boldy. Bul týraly Qazaqstanda koronavirýstyń taralýyna jol bermeý jónindegi vedomstvoaralyq komissiianyń Telegram-kanalynda málim etildi, dep habarlaidy QazAqparat.
SARS-COV-2 virýsy pandemiianyń jańa sipattamalaryn týdyryp otyr. Eýropada tvindemiianyń bastalýy nemese infektsiianyń uzaq aǵymy týraly aityla bastady. EO elderinde JRVI-men jáne tumaýmen syrqattaný qarqyny artqandyqtan, sarapshylar tumaý men COVID-19 juqtyrǵan patsientterdiń bir ýaqyttaǵy joǵary deńgeii – uzaq tvindemiianyń bastalǵany týraly aitýǵa bolatynyn boljaýda.
«Tumaý virýsynyń oralýy aýrýdyń uzaq taralý maýsymynyń bastaýy bolýy múmkin, ol ádette jazǵa deiin sozylady», - dedi Pasi Pentinen Eýropalyq aýrýlardyń aldyn alý jáne baqylaý ortalyǵynyń sarapshysy.
Mamandar tvindemiia Eýroodaq elderiniń koronavirýsqa qarsy kúrespen ainalysatyn densaýlyq saqtaý júielerine shamadan tys júkteme túsiretinin atap ótti.
Reseide koronavirýsty juqtyrý qarqyny artyp keledi. Ótken táýlikte COVID-19 virýsyn juqtyrýdyń 31 252 jaǵdaiy anyqtaldy. Eń kóp derek eldiń iri qalalarynda tirkeldi: Máskeýde - 8 342, Sankt-Peterbýrgte – 4 078. Bir táýlikte indet saldarynan 688 naýqas qaitys boldy. Jalpy, koronavirýstyń taralýy bastalǵannan beri Reseide COVID-19 infektsiiasyn juqtyrýdyń 10 865 512 jaǵdaiy tirkeldi. Kóz jumý jaǵdailary 322 678-di qurady. Resmi málimetterge sáikes, 76,6 millionǵa jýyq reseilik koronavirýsqa qarsy vaktsinatsiianyń tolyq kýrsynan ótti. Covid-19-ǵa qarsy 10,8 million azamat revaktsinalandy.
