ساراپشىلار ەۋرووداق ەلدەرٸندە ۇزاق تۆيندەمييا باستالعانىن بولجاپ وتىر. رەسەيدە بٸر تەۋلٸكتە كوروناۆيرۋستان 700-گە جۋىق ادام قايتىس بولدى. بۇل تۋرالى قازاقستاندا كوروناۆيرۋستىڭ تارالۋىنا جول بەرمەۋ جٶنٸندەگٸ ۆەدومستۆوارالىق كوميسسييانىڭ Telegram-كانالىندا مەلٸم ەتٸلدٸ, دەپ حابارلايدى قازاقپارات.
SARS-COV-2 ۆيرۋسى پاندەمييانىڭ جاڭا سيپاتتامالارىن تۋدىرىپ وتىر. ەۋروپادا تۆيندەمييانىڭ باستالۋى نەمەسە ينفەكتسييانىڭ ۇزاق اعىمى تۋرالى ايتىلا باستادى. ەو ەلدەرٸندە جرۆي-مەن جەنە تۇماۋمەن سىرقاتتانۋ قارقىنى ارتقاندىقتان, ساراپشىلار تۇماۋ مەن COVID-19 جۇقتىرعان پاتسيەنتتەردٸڭ بٸر ۋاقىتتاعى جوعارى دەڭگەيٸ – ۇزاق تۆيندەمييانىڭ باستالعانى تۋرالى ايتۋعا بولاتىنىن بولجاۋدا.
«تۇماۋ ۆيرۋسىنىڭ ورالۋى اۋرۋدىڭ ۇزاق تارالۋ ماۋسىمىنىڭ باستاۋى بولۋى مٷمكٸن, ول ەدەتتە جازعا دەيٸن سوزىلادى», - دەدٸ Pasi Pentinen ەۋروپالىق اۋرۋلاردىڭ الدىن الۋ جەنە باقىلاۋ ورتالىعىنىڭ ساراپشىسى.
ماماندار تۆيندەمييا ەۋرووداق ەلدەرٸنٸڭ كوروناۆيرۋسقا قارسى كٷرەسپەن اينالىساتىن دەنساۋلىق ساقتاۋ جٷيەلەرٸنە شامادان تىس جٷكتەمە تٷسٸرەتٸنٸن اتاپ ٶتتٸ.
رەسەيدە كوروناۆيرۋستى جۇقتىرۋ قارقىنى ارتىپ كەلەدٸ. ٶتكەن تەۋلٸكتە COVID-19 ۆيرۋسىن جۇقتىرۋدىڭ 31 252 جاعدايى انىقتالدى. ەڭ كٶپ دەرەك ەلدٸڭ ٸرٸ قالالارىندا تٸركەلدٸ: مەسكەۋدە - 8 342, سانكت-پەتەربۋرگتە – 4 078. بٸر تەۋلٸكتە ٸندەت سالدارىنان 688 ناۋقاس قايتىس بولدى. جالپى, كوروناۆيرۋستىڭ تارالۋى باستالعاننان بەرٸ رەسەيدە COVID-19 ينفەكتسيياسىن جۇقتىرۋدىڭ 10 865 512 جاعدايى تٸركەلدٸ. كٶز جۇمۋ جاعدايلارى 322 678-دٸ قۇرادى. رەسمي مەلٸمەتتەرگە سەيكەس, 76,6 ميلليونعا جۋىق رەسەيلٸك كوروناۆيرۋسقا قارسى ۆاكتسيناتسييانىڭ تولىق كۋرسىنان ٶتتٸ. Covid-19-عا قارسى 10,8 ميلليون ازامات رەۆاكتسينالاندى.
