Ulttyq aza tutý kúni – adamgershiliktiń eń joǵary úlgisi jáne pandemiia qurbany bolǵan qazaqstandyqtarǵa kórsetilgen qurmet. Bul pikirdi QR Prezidenti janyndaǵy Qazaqstan strategiialyq zertteýler institýtynyń direktory Zarema Sháýkenova bildirdi, dep habarlaidy QazAqparat.
«Qasym-Jomart Kemeluly qaitys bolǵandardyń jaqyndary men týystaryna kóńil aita otyryp, bul júzdegen otbasynyń qasireti ekenine toqtaldy. Sondyqtan Memleket basshysy 13 shildeni Ulttyq aza kútý kúni dep jariialady. Bul – adamgershiliktiń eń joǵary úlgisi jáne pandemiia qurbany bolǵan qazaqstandyqtarǵa kórsetilgen qurmet. Kúndelikti aýyr naýqastar men qaitys bolǵandar týraly sońǵy kezdegi esepter ishinen tanystarymyzdyń, dostarymyzdyń jáne týystarymyzdyń esimderin estidik», - deidi sarapshy.
Kóńil aitý sózderimen qatar Prezident barshamyzdy halqymyzdyń basyna túsken synaqtar aldynda qaisarlyqqa, sabyrlylyqqa, jaýapkershilik tanytýǵa shaqyrdy.
«Qazir búkil álem men bizdiń elimiz qaskói, qatygez, mán berilmegen jaýymen alapat soǵysty bastan ótkerýde. Elimizde Ulttyq aza tutý kúni, qazaqstandyqtar bir sát únsizdik saqtap, Elbasy jáne Memleket basshysymen birge koronovirýstyq pandemiia qurbandaryna qurmet kórsetti. Osy syn saǵattarda soǵys týraly jattandy óleń joldary eske túsedi. «Adamdar, júrekteriń soǵyp turǵanda – Eske saqtańdar! Óz ánińdi, áýendete shyrqaǵan kezde, kelmeske ketkenderdi saqtaǵyn este, ótinemin saqtaǵyn este!» Osy óleńde – «Bul úshin ólmeý kerek...Bul degen tiri bolý!» degen joldar bar», - deidi Z. Sháýkenova.
QSZI basshysy Ulttyq aza kútý kúniniń kelmeske ketkenderdi joqtaý ǵana emes, halyqtyń birliginiń, olardyń rýhynyń, aýrýdyń taralýyn toqtatýǵa degen sheshiminiń bekigen kúni ekenin, óz armandaryn, josparlaryn, ómirlerin osy úshin qiǵandardy eske alý kúni ekenin jetkizdi.
«Pandemiia – adamzattyń san ǵasyrlyq tarihynda oryn alyp turatyn apattar. Ár kezeńde búkil álem, memleketter men adamdar ómirge, bolashaq úshin kúresýge, meditsinaǵa, ǵylymnyń jetistikterine súiene otyryp, jeńiske degen senimniń arqasynda qorqynyshty indetterdi jeńgen. Prezidentimiz aitqandai, biz jeńiske jetemiz», - dedi Zarema Sháýkenova.
