QR Densaýlyq saqtaý ministrligi halyqty immýndaý jónindegi ulttyq konsýltativtik komissiiasynyń múshesi, meditsina ǵylymdarynyń doktory, professor Jannat Satybaldieva «Spýtnik V» vaktsinasynyń qaýipsizdigi men tiimdiligine qatysty pikir bildirdi, dep habarlaidy QazAqparat.
«Qazirgi kezde Qazaqstanda reseilik «Spýtnik V» vaktsinasyn kóptegen adamdar alyp jatyr. Ekpeden bolýy múmkin janama áserin monitoringileý kezinde jáne onyń tiimdiligin zertteý barysynda alynǵan málimetterdi eskere otyryp, osy vaktsinany engizý kezinde kúrdeli janama reaktsiialar baiqalmady», - dedi J. Satybaldieva vaktsina taqyrybyna arnalǵan onlain talqylaý barysynda.
Osy oraida ǵalym Reseidiń N.Gamaleia atyndaǵy Epidemiologiia jáne mikrobiologiia ulttyq zertteý ortalyǵynyń direktory Aleksandr Gintsbýrgtiń málimdemesin dálel retinde keltirdi.
«Jaqynda ǵana telearnadan Aleksandr Gintsbýrg málimdeme jasaǵan bolatyn. Onda ol atalǵan vaktsina boiynsha aýyr janama áserin tirkelmegenin aitty. Sońǵy málimetter boiynsha vaktsina tiimdiligi týraly 97 paiyz deńgeiindegi kórsetkish jariialandy. Bul - óz kezeginde óte joǵary kórsetkish. Al AstraZeneca vaktsinasy 70 paiyz tiimdilikti berip otyr», - dedi prfessor.
