قر دەنساۋلىق ساقتاۋ مينيسترلٸگٸ حالىقتى يممۋنداۋ جٶنٸندەگٸ ۇلتتىق كونسۋلتاتيۆتٸك كوميسسيياسىنىڭ مٷشەسٸ, مەديتسينا عىلىمدارىنىڭ دوكتورى, پروفەسسور جاننات ساتىبالديەۆا «سپۋتنيك V» ۆاكتسيناسىنىڭ قاۋٸپسٸزدٸگٸ مەن تيٸمدٸلٸگٸنە قاتىستى پٸكٸر بٸلدٸردٸ, دەپ حابارلايدى قازاقپارات.
«قازٸرگٸ كەزدە قازاقستاندا رەسەيلٸك «سپۋتنيك V» ۆاكتسيناسىن كٶپتەگەن ادامدار الىپ جاتىر. ەكپەدەن بولۋى مٷمكٸن جاناما ەسەرٸن مونيتورينگٸلەۋ كەزٸندە جەنە ونىڭ تيٸمدٸلٸگٸن زەرتتەۋ بارىسىندا الىنعان مەلٸمەتتەردٸ ەسكەرە وتىرىپ, وسى ۆاكتسينانى ەنگٸزۋ كەزٸندە كٷردەلٸ جاناما رەاكتسييالار بايقالمادى», - دەدٸ ج. ساتىبالديەۆا ۆاكتسينا تاقىرىبىنا ارنالعان ونلاين تالقىلاۋ بارىسىندا.
وسى ورايدا عالىم رەسەيدٸڭ ن.گامالەيا اتىنداعى ەپيدەميولوگييا جەنە ميكروبيولوگييا ۇلتتىق زەرتتەۋ ورتالىعىنىڭ ديرەكتورى الەكساندر گينتسبۋرگتٸڭ مەلٸمدەمەسٸن دەلەل رەتٸندە كەلتٸردٸ.
«جاقىندا عانا تەلەارنادان الەكساندر گينتسبۋرگ مەلٸمدەمە جاساعان بولاتىن. وندا ول اتالعان ۆاكتسينا بويىنشا اۋىر جاناما ەسەرٸن تٸركەلمەگەنٸن ايتتى. سوڭعى مەلٸمەتتەر بويىنشا ۆاكتسينا تيٸمدٸلٸگٸ تۋرالى 97 پايىز دەڭگەيٸندەگٸ كٶرسەتكٸش جارييالاندى. بۇل - ٶز كەزەگٸندە ٶتە جوعارى كٶرسەتكٸش. ال AstraZeneca ۆاكتسيناسى 70 پايىز تيٸمدٸلٸكتٸ بەرٸپ وتىر», - دەدٸ پرفەسسور.
