Analizdiń durys alynbaýy saldarynan koronavirýqa test 30-40% jaǵdaida durys nátije kórsetpeýi múmkin. Bul týraly Resei Densaýlyq saqtaý ministrliginiń shtattan tys bas pýlmonologi, Sechenovskii ýniversitetiniń pýlmonologiia kafedrasynyń meńgerýshisi Sergei Avdeev málimdedi, dep habarlaidy TASS agenttigi.
Sondai-aq, onyń aitýynsha, infektsiiaǵa shaldyqqan 95% adamnyń inkýbatsiialyq kezeńi 2 kúnnen 6 kúnge sozylady.
«Biz test-júiesine esh kúmán keltirmeimiz. Tek tájiribemizde testileýdiń jalǵan nátije kórsetetin jaǵdailary bolýy múmkin. Qanshalyqty jii: shamamen 30-40% jaǵdaida. Másele testileýdiń sapasynda emes, analizdi durys almaýda bolyp tur. Analiz sapasyz alynsa, jalǵan nátije kórsetýi múmkin», - dedi Avdeev RF Densaýlyq saqtaý ministrliginiń aldyńǵy qatarly sarapshylary qatysqan COVID-19-ǵa qatysty jiynda.
Sarapshy adamnan materialdy alý ýaqyty da mańyzdy ekenin atap ótti. Sebebi aýrýdyń alǵashqy kezeńinde PTR-testiniń oń nátije kórsetýi jiirek kezdesedi. Sonymen qatar, Avdeev taldaýdy qaita tapsyrý týraly sheshimdi dáriger qabyldaýy kerek dep túsindirdi.
