«Proportunity Management Company» investitsiialyq finteh platformasynyń negizin qalaýshy Arman Baev kommertsiialyq qyzmettegi tabystyń tetikteri týraly baiandady, dep habarlaidy QazAqparat.
«Qazir koronavirýs indetiniń taralýy kezeńinde adamdar otbasylyq kapital jaiynda kóbirek oilana bastady. Iaǵni qarajatty salatyn baǵyttardy zerdelep jatyr. Osy oraida túrli piramidalardyń paida bolǵanyna kýá boldyq jáne olar osy kúnge deiin ózderiniń qyzmetin taratýǵa tyrysyp keledi. Bul rette atalǵan piramidalarǵa aqshasyn salar kezinde aqparatty nege teksermeidi? Osy fenomen shynymen de tańǵaldyrady. Eńbekpen tapqan aqshasyn tekserýsiz bere salady da, sońynda jiǵan-tergen qarajatynan aiyrlyp jatady. Sondyqtan kraýndfanding kompaniiasy sekildi biznestiń negizin qalai otyryp, adamdarǵa tabys jasaý múmkindigin berý maqsatyn qoidyq. Osy oraida jyljymaityn múlikke qatysty jaǵdai jasap, árbir adamnyń tabys alýyn oilastyrdyq», - dedi A. Baev qarjy tetikterin jetildirý taqyrybyna arnalǵan brifinigte.
Onyń aitýynsha, sońǵy kezde kraýdqarjy sekildi jaqsy fenomen damyp keledi.
«Osy turǵyda adamdar qarajatty birlese salyp, birge investitsiialap, ortaq joba boiysha jumys isteidi. Barshamyz dástúrli bank tetikterin bilemiz, iaǵni bank depozitteri men basqa da salymdar bar. Qazaqstanda jyljymaityn múlikke investitsiialaý boiynsha alǵashqy kraýndfanding tuǵyrnamasyn qurdyq. Bul rette adamdar 1 sharshy metrden bastalatyn alańǵa investitsiia sala alady. Endi aýqymdy kommertsiialyq nysandarǵa investitsiia salýdyń qajet joq. Bir sharshy metr aýmaqty satyp alyp, zańdy túrde onyń iesi atanyp, sony jalǵa berýden tabys jasaýǵa bolady», - dedi ol.
«Sonymen birge, «Astana» halyqaralyq qarjy ortalyǵy múmkindiginiń arqasynda, sondai-aq durys qurylǵan menedjment pen saýatty qadamdar nátijesinde kommertsiialyq ǵimarattardan tabystylyq arta tústi. Osy oraida depizitke qaraǵanda tiimdirek», - dedi A. Baev.
