«Proportunity Management Company» ينۆەستيتسييالىق فينتەح پلاتفورماسىنىڭ نەگٸزٸن قالاۋشى ارمان باەۆ كوممەرتسييالىق قىزمەتتەگٸ تابىستىڭ تەتٸكتەرٸ تۋرالى باياندادى, دەپ حابارلايدى قازاقپارات.
«قازٸر كوروناۆيرۋس ٸندەتٸنٸڭ تارالۋى كەزەڭٸندە ادامدار وتباسىلىق كاپيتال جايىندا كٶبٸرەك ويلانا باستادى. ياعني قاراجاتتى سالاتىن باعىتتاردى زەردەلەپ جاتىر. وسى ورايدا تٷرلٸ پيراميدالاردىڭ پايدا بولعانىنا كۋە بولدىق جەنە ولار وسى كٷنگە دەيٸن ٶزدەرٸنٸڭ قىزمەتٸن تاراتۋعا تىرىسىپ كەلەدٸ. بۇل رەتتە اتالعان پيراميدالارعا اقشاسىن سالار كەزٸندە اقپاراتتى نەگە تەكسەرمەيدٸ? وسى فەنومەن شىنىمەن دە تاڭعالدىرادى. ەڭبەكپەن تاپقان اقشاسىن تەكسەرۋسٸز بەرە سالادى دا, سوڭىندا جيعان-تەرگەن قاراجاتىنان ايىرلىپ جاتادى. سوندىقتان كراۋندفاندينگ كومپانيياسى سەكٸلدٸ بيزنەستٸڭ نەگٸزٸن قالاي وتىرىپ, ادامدارعا تابىس جاساۋ مٷمكٸندٸگٸن بەرۋ ماقساتىن قويدىق. وسى ورايدا جىلجىمايتىن مٷلٸككە قاتىستى جاعداي جاساپ, ەربٸر ادامنىڭ تابىس الۋىن ويلاستىردىق», - دەدٸ ا. باەۆ قارجى تەتٸكتەرٸن جەتٸلدٸرۋ تاقىرىبىنا ارنالعان بريفينيگتە.
ونىڭ ايتۋىنشا, سوڭعى كەزدە كراۋدقارجى سەكٸلدٸ جاقسى فەنومەن دامىپ كەلەدٸ.
«وسى تۇرعىدا ادامدار قاراجاتتى بٸرلەسە سالىپ, بٸرگە ينۆەستيتسييالاپ, ورتاق جوبا بويىشا جۇمىس ٸستەيدٸ. بارشامىز دەستٷرلٸ بانك تەتٸكتەرٸن بٸلەمٸز, ياعني بانك دەپوزيتتەرٸ مەن باسقا دا سالىمدار بار. قازاقستاندا جىلجىمايتىن مٷلٸككە ينۆەستيتسييالاۋ بويىنشا العاشقى كراۋندفاندينگ تۇعىرناماسىن قۇردىق. بۇل رەتتە ادامدار 1 شارشى مەتردەن باستالاتىن الاڭعا ينۆەستيتسييا سالا الادى. ەندٸ اۋقىمدى كوممەرتسييالىق نىساندارعا ينۆەستيتسييا سالۋدىڭ قاجەت جوق. بٸر شارشى مەتر اۋماقتى ساتىپ الىپ, زاڭدى تٷردە ونىڭ يەسٸ اتانىپ, سونى جالعا بەرۋدەن تابىس جاساۋعا بولادى», - دەدٸ ول.
«سونىمەن بٸرگە, «استانا» حالىقارالىق قارجى ورتالىعى مٷمكٸندٸگٸنٸڭ ارقاسىندا, سونداي-اق دۇرىس قۇرىلعان مەنەدجمەنت پەن ساۋاتتى قادامدار نەتيجەسٸندە كوممەرتسييالىق عيماراتتاردان تابىستىلىق ارتا تٷستٸ. وسى ورايدا دەپيزيتكە قاراعاندا تيٸمدٸرەك», - دەدٸ ا. باەۆ.
